曾憲哲

曾憲哲 （英文：Matthew Tsang Hin-chit，2006年—），係香港嘅一名男學生，就讀於拔萃男書院。喺2023年10月4日，佢喺沙田石門一帶失蹤，直到10月11日先搵返佢

曾憲哲 Matthew Tsang Hin-chit
出世	2006年（17–18歲）  香港
國籍	中國（香港）
母校	拔萃男書院
出名原因	在眾多香港郊野公園失蹤案中，極少數超過黃金72小時仍能成功尋回的生還者

生平

曾憲哲2006年出世，係拔萃男書院嘅學生。佢之前代表學校參加過唔同類型嘅體育比賽，仲曾經做過學校校隊嘅隊長。。

失蹤事件

2023年10月4日午飯時間，曾憲哲離開咗學校，搭咗東鐵線由旺角東去到大圍，再轉乘屯馬線去石門站。佢喺石門站出閘之後就失咗蹤，當時佢身上冇帶手機。之後，曾憲哲嘅父母報警話佢失咗蹤。警方、消防同埋民間搜索隊都去咗石門後山一帶搵佢，但一直搵唔到。警方後來翻查閉路電視，確認曾憲哲喺離開石門站後，係向馬鞍山郊野公園嘅方向行咗去，於是就將搜索範圍鎖定喺馬鞍山郊野公園。之後因為颱風「小犬」吹襲，搜索行動被迫暫停。等颱風過咗之後，搜索行動重新展開，但一直冇發現。其後警方翻查閉路電視，確認曾憲哲離開石門站後沿著馬鞍山郊野公園方向離去，之後便將搜索範圍鎖定在馬鞍山郊野公園。

直到2023年10月11日，消防喺大老山隧道山上老鼠田崗附近嘅叢林度搵到咗曾憲哲。 當時佢全身赤裸，喺失蹤8日之後終於俾人搵返，期間仲經歷咗颱風「小犬」同黑色暴雨。最後，曾憲哲俾直升機救起，送去咗東區醫院接受治療。 事後，曾憲哲嘅父母特別感謝特區政府同香港市民幫手搵返佢哋嘅仔。