《最·危險人物》（英文：The Most Dangerous Man）係2010年由香港影音使團製作嘅福音電影，講述曾經轟動一時嘅賊王葉繼歡改過自新嘅傳奇故事。
1978年，17歲嘅嚴歡（黃子揚 飾）從大陸海豐偷渡嚟香港。為咗令到家人有更好嘅生活，佢選擇咗捷徑，成為咗犯案纍纍嘅悍匪。憑住手上嘅AK-47，令佢成為1990年代香港冇人唔識嘅大賊、頭號通緝犯。佢自以為可以主宰一切，但其實真正主宰宇宙嘅上帝，正在默默噉俯視住佢嘅所作所為。
