有利銀行

有利銀行（Mercantile Bank），最初叫印度倫頓中國三處匯理銀行（Chartered Mercantile Bank of India, London and China，倫頓即係倫敦噉解）係英國皇家特許銀行，1853年喺印度孟買創立。1854年，有利銀行喺上海開分行，香港分行喺1857年開業，係第二間喺香港開業嘅銀行。1858年，有利銀行總行搬咗去英國倫敦。

有利銀行係喺香港銀行體系起住重要作用嘅一間英資銀行，1862年獲准發行港元銀紙。喺一段長時間裏面，佢一直係香港三大發鈔銀行之一。1892年，該行改組並放棄發鈔特許，並改名為有利銀行（Mercantile Bank of India），以有限公司註冊。1912年，有利銀行出返銀紙，直至1974年後至停止。1959年12月，有利銀行俾香港上海滙豐銀行收購，英文名亦冇咗「印度」呢個詞，並喺1966年將總行搬去香港。

1984年，有利銀行轉售美國萬國寶通銀行（家下嘅花旗銀行），1987年再轉售日本三菱銀行（家下嘅三菱東京UFJ銀行）。