朕
朕係第一人稱，即係我咁解，例如屈原離騷：「回朕車以復路兮」。「朕」喺中國古代係皇帝嘅自稱[註 1]，但係喺商周時代天子就自稱予一人。
朕小篆「月」原本係「舟」，即係木造船嘅兩塊木[1]。用好細小暗喻寡德以自謙，同寡人差唔多。
喺先秦嗰陣，諸侯國君主通常都自稱「孤」、「不谷」、「寡人」，稱「王」嘅人都可以自稱「本王」，秦建立咗之後，嬴政開始用「皇帝」[註 2]尊號，規定「朕」做皇帝自稱。呢個稱呼自秦始皇十三年一直流傳去到辛亥革命嘅中國帝制結束。
「朕」一般淨係可以做皇帝嘅自稱。例如東漢末年，群雄爭霸，割據嘅局面出現，曹操係魏王，就算實際攞住軍政大權，都淨係可以自稱「孤」或者「本王」，皇帝劉協先可以自稱「朕」。