在日本朝鮮人總聯合會
(由朝鮮總聯跳轉過嚟)
1945年結成嘅在日本朝鮮人聯盟畀駐日盟軍總司令以「暴力主義團體」嘅名義解散咗之後，喺1955年由在日朝鮮統一民主戰線新設呢個會。呢個會簡稱朝鮮總聯（ziu1 sin1 zung2 lyun4；朝鮮文：조선총련／朝鮮總聯），乃至直接嗌總聯（zung2 lyun4；朝鮮文：총련／總聯）。而喺日本啲報道度習慣用簡稱，不過寫成朝鮮總連（ziu1 sin1 zung2 lin4；日文：朝鮮総連／ちょうせんそうれん）[1]。而因爲呢個會係北朝鮮人團體，所以喺南韓嗌呢個會做朝總聯（ziu1 zung2 lyun4；韓文：조총련／朝總聯）。
呢個會係無法人地位嘅非法人團體。朝鮮總聯嘅主席兼幾位幹部都係北朝鮮嘅代議員[2]。由於過去佢原先一啲成員係土台人（喺日本嘅北朝鮮間諜），呢個會同朝鮮半島問題有比較大嘅關涉，諸如文世光事件、祖國防衛隊事件都有涉嫌，所以日本嘅公安調查廳基於《破壞活動防止法》將呢個會定爲調查對象團體[3]。
