期刊
期刊係定期出版嘅刊物，畀人閱讀、參考、引用等，每出一版新嘅就為之一期，主要包括報紙、雜誌同學術期刊。期刊嘅國際標準編號叫國際標準期刊號（ISSN）。
有啲期刊可以同時亦都係書，每期除咗有期刊嘅 ISSN 之外，仲會有獨立嘅 ISBN，爾啲咁嘅期刊包括一啲以書嘅形式出版嘅雜誌，同一啲學術性嘅研討會論文集等等。
分類 編輯
- 日刊：每日出版一次。
- 半周刊：半個禮拜出版一次，通常每個禮拜兩個指定嘅禮拜幾出版，例如逄禮拜二同禮拜五。
- 周刊：每個禮拜出版一次。
- 旬刊：每十日出版一次，通常每個月三個指定日期出版，例如每個月嘅1號、11號、21號。
- 雙周刊：兩個禮拜出版一次。
- 半月刊：每半個月出版一次，通常每個月兩個指定日期出版，例如每個月嘅1號、15號。
- 月刊：每個月出版一次。
- 雙月刊：兩個月出版一次。
- 季刊：三個月或四個月出版一次。
- 半年刊：六個月出版一次。
- 年刊：每年出版一次。