學術期刊（粵拼：hok6 seot6 kei4 hon2 | 英文：academic journal），又叫學報，係指講學術嘢嘅期刊；喺廿一世紀初，每個學術領域－由科學至人文－都會有自己嘅期刊，即係會有例如講進化論嘅期刊、講密碼學嘅期刊或者係講管理學嘅期刊... 呀噉。
做學術研究嘅人都會想將自己嘅研究成果喺學術期刊上面發佈（學術文），用呢啲文嚟同同行交流諗頭，而「喺學術期刊上面出過幾多篇文」同埋「有冇喺知名度高嘅期刊上面出文」等嘅嘢就廣泛噉俾人認為係評價一位學者嘅最重要指標之一[1][2]。
