本台軟件

一隻本台軟件（英文：native software）係一隻專門設計嚟淨係喺某隻作業系統上面行嘅軟件。

例如一部 Game Boy 會由佢嘅咭匣嗰度攞軟件行，呢啲軟件嘅碼係專門設計嚟喺 Game Boy 上面行嘅，而想喺 Game Boy 以外嘅平台嗰度行呢啲碼就要用到模擬器－一種模仿 Game Boy 噉嚟行啲碼嘅架生；同「用返隻本台軟件屬嘅平台嚟行」相比，「用模擬器嚟行」通常梗會慢咗啲－模擬器定義上就係模仿第個平台嘅硬件或者軟件，所以實要喺「想行嗰段碼」之外再行啲額外嘅碼^[1]。