作業系統

作業系統zok3 jip6 hai6 tung2（英文：operating system，簡稱 OS），喺大陸叫做操作系統cou1 zok3 hai6 tung2，係一個管理電腦硬件同軟件資源嘅電腦程式，同時亦都係電腦系統嘅核心同基石。較出名嘅電腦作業系統有微軟嘅Windows、蘋果嘅Mac OS同埋Linux。

作業系統架構圖

Ubuntu，Linux發行版

screenshot of Debian 7.3 (wheezy) amd64 with GNOME 3.4.2

screenshot of Debian 7.3 (wheezy) amd64 with GNOME 3.4.2 with theme Clearlooks-Phenix

開放源代碼嘅辦公軟件LibreOffice 3.5.4.2運行喺GNOME 3.4.2桌面環境同埋Debian 7.3 (wheezy) amd64同埋Clearlooks-Phenix佈景主題上邊

概念

• 內核（kernel）：位於一個作業系統嘅「核心」嘅電腦程式，負責控制個系統嘅唔同部份；喺多數嘅作業系統嗰度，內核係部機著嗰陣其中一個最先撈嘅程式，跟手會幫手做第啲開機要做嘅工作。
• 硬件抽象層（hardware abstraction layer，HAL）：一浸硬件抽象層係個作業系統入面嘅一柞程式，會負責將啲硬件抽象化噉表示出嚟，目的係俾作業系統有得同部電腦嘅硬件負動；硬件抽象層可以由內核嗰度接收指令。
• 應用程式介面（application programming interface，API）：一種俾兩個或者以上電腦程式彼此之間通訊嘅軟件；例如喺一部個人電腦上面行一隻應用程式嘅話，隻程式就需要同部機嘅作業系統交流，而部機嗰啲應用程式介面就會幫手做呢樣工作。
  • DirectX：係一系列用嚟教部電腦處理啲多媒體嘢嘅 API，對電子遊戲嚟講零舍重要；用電子遊戲程式做例子，DirectX 會負責扮演部電腦（包括個人電腦同好似 Xbox 噉嘅遊戲機）同遊戲程式之間條橋樑，每隻版本嘅 DirectX 都會有一套特定嘅多媒體功能係佢支援嘅，並且指定咗話呢啲功能可以由電腦程式指揮部機啲硬件（假設呢啲硬件同嗰隻版本嘅 DirectX 相容）做。DirectX 令到電子遊戲開發等嘅工作易搞咗好多－喺初頭嗰陣，電腦係會俾隻遊戲程式直接同硬件通訊嘅，但噉做搞到啲遊戲開發者焗住吓吓都要每款機都同佢寫一柞碼做呢種通訊，於是微軟就開發咗 DirectX 呢隻 API，遊戲開發者變成淨係需要諗「自己整嗰隻遊戲寫嚟同邊隻版本嘅 DirectX 相容」就得。
• 檔案系統（file system）：作業系統當中用嚟控制「數據點樣儲起同提取」嗰部份；檔案系統做嘅主要係將一部電腦入面啲數據斬件分好，而且每一件數據（一個電腦檔案；file）都同佢改返個名，等用家能夠輕鬆噉睇得出邊件數據打邊件；冇咗檔案系統嘅話，部電腦入面嗰啲數據只會係一大嚿雜亂無章嘅數據，冇方法俾用家知道邊一段係屬邊件數據，更加唔會做到正確噉儲起同提取數據。