朱福強

朱福強（英文：Simon Chu Fook-keung，1947年 12月25號—）係香港政府前公務員，官至政府檔案處署理處長（1999年至2003年）。佢退休之後，一路呼籲香港訂立「檔案法」，規管政府檔案處理^[1]。

簡歷

1947年，朱生於香港一個小康之家。佢阿爸做文職。佢細個屋企住喺赤柱，到讀中學先搬出市區。1968年，佢到加拿大西安大略大學留學，主修歷史^[2]。後來獲卡加利大學歷史碩士、西安大略大學檔案學碩士^[3]。

1984年，朱加入香港政府做助理檔案主任。1999年至2003年升任政府檔案處長（署理），2004年至2007年回任檔案主任，期間擔任歷史檔案館長，2007年退休^[3]。之後參與成立「檔案行動組」，關注香港公共檔案嘅處理。亦做過香港檔案學會會長。佢批評香港政府及公營機構嘅檔案制度好差，要求香港訂立「檔案法」，以法例保護檔案，保障公眾知情權^[4]^[5]。