李世隆
李世隆（Dragon Li），香港親中陣營政治人物，民建聯成員，2016至2019年葵青區議員（石蔭選區），現任環境及生態局局長政治助理（繼承區詠芷）。
從政經歷
編輯佢喺2015年香港區議會選舉擊敗咗民主黨嘅尹兆堅，成為區議員。但喺2019年，親中派因為力撐逃犯條例修訂草案而選情大受打擊，屬親中派民建聯嘅李世隆亦被捲土重來嘅泛民主派尹兆堅以4,890票擊敗[1]，而李世隆自己就得到3,730票[2]。
佢喺2016年第6屆香港立法會選舉入面，排喺陳恒鑌、郭芙蓉名單入面嘅第三名。
爭議
編輯2015年區選抹黑、種票、舞弊疑雲
編輯喺2015年香港區議會選舉，多個選區，包括李世隆贏咗嘅石蔭選區都出現咗一啲種票舞弊疑雲。例如，落敗咗嘅尹兆堅就曾經話，呢一區選舉出現選舉舞弊、非法行為、大規模種票嫌疑、選民人數無故激增，導致佢以53票敗選[3]。尹兆堅又話，李世隆喺選舉期間違反房署規定喺區內派發抹黑單張，但房署坐視不理；加上民建聯同工聯會成員喺選舉期間誹謗佢[4]。
涉嫌違反私隱條例
編輯喺2017年11月，多個媒體報道，李世隆向居民發放問卷，要求佢哋填寫個人資料先可以換取月曆，又話呢啲資料會用作日後聯絡之用，結果被投訴。嗰啲有關嘅單張又以「石蔭邨／石蔭東邨屋邨管理諮詢委員會委員」身份發出，表達非常含糊，做法被質疑誤導居民，令居民誤以為單張係房屋署或者邨管會發出嘅問卷調查。個人資料私隱專員公署回應嘅時候話，質疑事件或已經違反私隱條例。最終李世隆需要已將收回嘅問卷銷毀[5][6]。
參考
編輯- ↑ 香港01, 立法會選舉2020專頁 |。〈李世隆 | 候選人資料〉。《立法會選舉2020專頁 | 香港01》 (繁體中文)。喺2021-05-10搵到。
- ↑ 〈【光復區會●新界結果】何君堯「已完」 樂翠街坊開香檳 ｜ 蘋果日報〉。《Apple Daily 蘋果日報》 (香港中文)。原著喺2021-05-10歸檔。喺2021-05-10搵到。
- ↑ 〈【區選光復香港●葵青】尹兆堅石蔭復仇撼民建聯 冀重奪民主派橋頭堡 ｜ 蘋果日報〉。《Apple Daily 蘋果日報》 (香港中文)。原著喺2021-05-10歸檔。喺2021-05-10搵到。
- ↑ 〈【區選】民主黨三敗選人擬提選舉呈請 ｜ 蘋果日報〉。《Apple Daily 蘋果日報》 (香港中文)。原著喺2021-05-10歸檔。喺2021-05-10搵到。
- ↑ 〈民建聯區議員送月曆收集居民資料 私隱公署批涉違例叫停 | 立場報道 | 立場新聞〉。《立場新聞 Stand News》 (英文)。原著喺2021-05-10歸檔。喺2021-05-10搵到。
- ↑ 魯嘉裕 (2017-11-30)。〈民建聯區議員派問卷收個人資料 私隱署指違例 活動叫停問卷銷毀〉。《香港01》 (香港中文)。喺2021-05-10搵到。