李宇軒

  提示：呢篇文講嘅唔係李宇軒 (澳門)。

李宇軒，香港社運人士，係民間組織香港故事成員，因為涉及12港人案得到唔少嘅關注。

事件

被還押期間喺家屬唔知情嘅情況下被轉送小欖精神病治療中心

據報導引述消息人士指，正喺香港還押嘅李宇軒喺2021年3月，被轉往小欖精神病治療中心，即屬高度設防嘅院所，由院所內俗稱「神秘組」嘅懲教人員負責，被單獨囚禁。而有關李嘅情況，佢嘅屋企人事前無被知會，政府做法因此被批評。

12港人案入面被非家屬安排律師代表

李宇軒去到3月底喺內地刑滿被遣返返港後，案件喺3月31號提堂，佢被一名大律師羅達雄代表，羅達雄當時拒絕透露李嘅下落，而李宇軒嘅妹妹就話羅達雄唔係家屬安排嘅代表律師，更加話睇報道先知有呢個人，有部分傳媒就形容佢喺事件上係官派律師，但佢所屬嘅律師樓就否認。