李文浩香港本土派人士,係長沙灣社區發展力量嘅召集人、前任深水埗區議會長沙灣選區議員,於2019年香港區議會選舉以千票之差高票擊敗時任區議員林家輝接棒人香港經濟民生聯盟龐朝輝當選。[1]

2015年香港區議會選舉 編輯

2015年香港區議會選舉,李文浩及以獨立人士身份參選嘅勞資關係協進會總幹事林瑞含挑戰林家輝。當中李文浩取得1307票,林瑞含取得246票,林家輝喺攞到1491票未過半數之下第五次連任。[2][3]

2019年香港區議會選舉 編輯

2019年香港區議會選舉,時任議員林家輝無參選,並交棒龐朝輝。另外參戰嘅,有報稱為文員嘅葉智豪[4]

參選期間,李文浩曾經受到各方面唔同嘅滋擾,包括有區內店舖喺店內同時貼出李文浩同佢主要對手龐朝輝嘅海報,但得李文浩海報嘅玻璃位置被塗污。另外,李文浩喺10月21日擺街站宣傳時亦遇襲,兩支旗被人破壞。[5]

呢次李文浩攞到六成選票,高票擊敗龐朝輝,當選新一屆議員。

辦事處謝絕接見親中共人士 編輯

李文浩喺佢嘅議員辦事處門外貼上告示,指「本辦事處不為任何藍絲提供服務,藍絲與狗不得內進」,佢事後因貼上告示而被恐嚇,不斷收到騷擾電話及訊息,並恐嚇佢「會比人斬」、「會變浮屍」等,更有人恐嚇要殺佢全家。2020年3月7號,有廿幾個親中共人士去到李文浩同公民黨劉家衡嘅聯合辦事處表達不滿,發生爭執。[6]3月9號,30幾名親中共人士手持標語同木棍等到辦事處抗議,有門外人士向辦事處吐痰,其間有人襲擊辦事處內嘅議員同職員,兩名議員都有受傷。3人涉嫌襲擊及刑事毀壞被捕,當中包括香港政研會執行主席關新偉同鄧德成。[7]事件中兩名議員同3名女職員受傷,其中兩名女職員去咗醫院驗傷,辦事處嘅閉路電視亦遭到破壞。[8]雖然有親中團體認為個告示涉嫌歧視,但平等機會委員會指李告示上嘅字句「不涉及現行四條反歧視席條例所涵蓋嘅範圍」。[9]

民政處政治打壓 編輯

[10]

2021年10月前往英國 編輯

响2021年9月,李文浩宣布缺席2021年香港區議員宣誓,即時冇咗區議員席位,同年10月24號,李文浩喺社交媒體宣佈自己已經離開香港,佢又話之前發現多咗好多人跟蹤佢,而且行為模式唔再似黨報記者,佢意識到再唔走就可能出現人身安全問題,到時就太遲,佢又鼓勵大家繼續支持落去,話大家一定會贏[11]

參考 編輯

  1. 舉結果公告--區議會一般選舉--深水埗區議會--長沙灣選區 (PDF) (香港中文). 2019-11-25. 喺2020-04-07搵到.
  2. .
  3. . . 2018-07-27. 喺2020-01-19搵到.
  4. 選光復香港票黨現身!沙田深水埗成重災區 圖阻泛民議席過半. Apple Daily 蘋果日報 (中文). 2019-10-18. 原著喺2020-11-30歸檔. 喺2020-04-07搵到.
  5. 議會選舉2019沙灣店舖內貼候選人海報 有人畫花店舖玻璃. 港01 (香港中文). 2019-11-06. 喺2020-04-07搵到.
  6. 滿 廿 . 原著喺2020年8月8號歸檔. 喺2020年4月6號搵到.
  7. 滿貼絲與狗不得內進示 政研會主席偕30藍絲持木棍打傷區議員胸襲女職員. 原著喺2020年4月6號歸檔. 喺2020年4月6號搵到.
  8. 滿貼絲與狗不得內進示 政研會主席偕30藍絲持木棍打傷區議員胸襲女職員. 原著喺2020年11月26號歸檔. 喺2020年4月6號搵到.
  9.   . 原著喺2020年4月6號歸檔. 喺2020年4月6號搵到.
  10. 事處曾貼絲與狗 深水埗區議員申發還開支遭拖延逾三月未批. . 2020-06-26.
  11. 李文浩 (2021年10月23號). . 喺2021-10-24搵到.
前任:
林家輝
深水埗區議會長沙灣選區
2020年1月1號 - 2021年9月24號
現任