李玟之死
歌手李玟喺2023年7月5號離世，由於佢生前喺中國，香港同台灣都享有知名度，所以佢嘅離世引起咗各地一定程度關注，其中包括針對李玟生前政治立場嘅討論，李玟同佢老公生前嘅感情糾紛，同埋佢參與《中國好聲音》嘅時候被欺凌嘅經歷。
針對李玟生前政治立場嘅討論
編輯李玟曾經公開支持北京政府。2022年8月，美國眾議院議長佩洛西訪問台灣，李玟就喺社交媒體公開表示「中國人要團結！不要讓外人干涉咱們！」，當時就被網友反問「你有美國籍欸」[1]。另外，佢亦曾經參與音樂類真人騷《聲生不息》，節目內容被指篡改香港同廣東歌歷史。
而去到佢離世嘅時候，台灣媒體同網民都一面倒表示婉惜，但喺香港，媒體同網民就比較有唔同嘅反應，有啲網民表示婉惜，亦有啲網民同報導重提佢嘅政治立場，對佢嘅離世表示無感覺，或者指控揶揄佢投共嘅行為[2][3]。
李玟同佢老公生前嘅感情糾紛
編輯李玟離世之前，同佢老公Bruce（樂裕民）發生感情糾紛，當中兩名繼女都被指企喺爸爸而唔係李玟嗰邊，而另外佢老公亦被指有婚外情。有啲人覺得係李玟老公令佢患上抑鬱症害死佢，甚至有樂迷喺李玟嘅告別式公開鬧佢老公[4]。不過，佢老公之後就否認指控[5]。
身後被揭發喺《中國好聲音》節目組裡面被欺凌
編輯李玟離世之後，佢控訴《中國好聲音》嘅爭議鬧大，一段網上流傳嘅錄音該節目唔單止遭爆賽制不公，更加喺李玟忍著腿傷喺舞台上跌傷嘅時候，遭到製作單位貶低諷刺[6]。《中國好聲音》製作組就表示，話涉及嘅畫面片段係惡意剪輯，並表示同李玟嘅誤會當下就和解，但有啲網民就表示唔接受[7]。
參考
編輯- ↑ 自由時報電子報 (2022-08-03)。〈大咖台星轉發「只有一個中國」微博一片赤紅 網見1亮點笑：帶頭辱華 - 自由娛樂〉。ent.ltn.com.tw。喺2023-08-20搵到。
- ↑ 文字：《追新聞》記者 (2023-07-05)。〈歌手李玟輕生逝世 去年參演《聲生不息》曾言「不要讓外人干涉咱們」 | 追新聞〉。thechasernews.co.uk (臺灣中文)。喺2023-08-20搵到。
- ↑ 〈【快訊】歌手李玟輕生逝世 去年參演《聲生不息》曾言「不要讓外人干涉咱們」〉。www.facebook.com。喺2023-08-20搵到。
{{cite web}}: CS1 maint: url-status (link) - ↑ 《Bruce現身火葬場 李玟歌迷怒追打｜TVBS新聞 @TVBSNEWS01》 (英文)，喺2023-08-20搵到
- ↑ 〈李玟老公被爆不倫3年大動作反擊 曬3證據洗刷渣男罵名〉。Yahoo Finance (中文)。2023-08-15。喺2023-08-20搵到。
- ↑ 〈李玟生前控訴《中國好聲音》黑幕音檔流出 「當歌手28年第一次被這樣對待」｜壹蘋新聞網〉。Nextapple (中文)。2023-08-17。喺2023-08-20搵到。
- ↑ 自由時報電子報 (2023-08-20)。〈這節目開第一槍！宣布永不合作《好聲音》 網嗨：幹得漂亮 - 自由娛樂〉。ent.ltn.com.tw。喺2023-08-20搵到。