李薇英文Li Wei1981年2月7號—),香港親中派政治學者,而家係香港中文大學政治與行政學系助理教授。佢曾經捲入多項爭議,包括拾取路祭供品、支持《港版國安法》、同同事發生衝突、犯法用長者八達通卡等等。

早年生涯 編輯

李薇喺上海市出世,然後喺華東師範大學第二附屬中學復旦大學政治系畢業。喺復旦大學攻讀碩士學位嘅時候,佢嘅論文題目係『中國經濟轉型期女性就業變遷的政治經濟學分析』[1]

之後2008年佢嚟到香港大學攻讀政治學博士學位[2],2013年攞到學位,博士論文題目係“Structural Change and the Relationship between Politicians and Bureaucrats-The Case of Hong Kong”,師從卜約翰。專門研究中國政治、社會政策嘅議題[1]

喺加入香港中文大學之前,佢曾經喺香港大學同埋中共上海市建設和交通工作委員會黨校工作[1]

爭議 編輯

佢自喺2014年喺中大任教開始後,就曾經捲入多宗爭議事件,同系內唔同同事發生衝突、拾取路祭貢品、違規使用八達通卡等等,而且面對批評同執法人員嘅時候,都以惡劣或者激動嘅態度回應。喺2020年8月佢接受香港獨立媒體訪問時,佢亦承認自己係言論出位搏續約[2]

拾取路祭供品自行食用 編輯

喺2020年9月,多個媒體報道,李薇喺Facebook呼籲香港市民響應中央政府政府嘅節約糧食政策,又透露自己將路祭食物帶返屋企食用,形容「美味」。有網民質疑佢嘅行為,李薇就反駁「我開心關你屁事」,而且言詞粗鄙,又無故牽扯到話網民被假新聞洗腦,仲話唔支持嘅人就係資本家幫兇[2]。曾出席過李薇課堂嘅中大舊生岑敖暉就形容佢精神健康唔係好理想,而大律師陸偉雄就話,有啲情況會係拜祭者事後帶返屋企食用,未經主人同意而將供品據為己有,就可能干犯盜竊罪。隨後李薇接受香港獨立媒體訪問,更加建議記者撿拾水果製作果汁[3][4]

支持《港版國安法》同攻擊反對者 編輯

2020年6月,北京未經香港人同意訂立《港版國安法》,唔少香港人,包括中大政治與行政學系系內嘅一啲學生,都走出嚟反對。不過,李薇就極力支持,批評啲同學「無濟於事,浪費青春,縮短壽命」,又建議同學「不如先觀察,做些研究」,唔少學生回覆批評她無從港人身份去理解事件。而李薇之後喺接受香港獨立媒體訪問時,亦承認自己冇研究近期嘅社會運動(反送中同反對《港版國安法》)[2]

校內日常工作表現爭議 編輯

香港獨立媒體喺2020年9月報導,有唔少中大政治與行政學系,甚至係學系所屬社會科學院嘅人,都對李薇嘅言行有所爭議。報道提及,李薇曾經喺課堂點名批評系主任盧永鴻,話佢1年唔開足3班畀本科生,學校請佢係濫用公帑,對學生唔負責任,又攞自己同佢比,話自己勤力盡責,有學生就形容佢做法唐突。另外,佢亦曾經大鬧高層,上至社會科學院院長,下至普通行政人員都鬧過,甚至將職員鬧喊,間接迫到佢地要避走去另一間辦公室做嘢[2]

懷疑犯法用長者八達通 編輯

2021年1月17號,網上流傳一段疑似係李薇嘅女人,喺港鐵深水埗站因犯法使用長者八達通,被港鐵職員包圍[5]。片入面個女人情緒激動,表示希望報警同不滿職員批評,同時聲稱「我用錯八達通」、話自己係「中文大學老師」,批判港鐵職員係資本家嘅走狗。[6]港鐵後嚟,證實,佢喺被查飛嘅時候,開頭拒絕合作,之後港鐵報警,隨後向佢徵收附加費。[5]中大學生會前會長張秀賢之後向傳媒證實,按佢上堂嗰陣對李薇嘅印象,涉事女子就係李薇[5][6][7][8][9]

林夕之後喺《蘋果日報》討論包括呢次事件以內,關於李薇多次嘅爭議,形容佢潑婦罵街但並唔係黐線,而係黨奴病趁機發作。佢批評中大喺李薇失德嘅問題上無行動,又反問如果港大校委會輕輕鬆鬆就炒咗戴耀廷,中大有冇膽力魄力能力炒李薇[10]

參考 編輯

  1. 1.0 1.1 1.2 "CUHK GPA Prof. Li Wei" (PDF). 原著 (PDF)喺2021年6月30號歸檔. 喺2021年5月27號搵到.
  2. 2.0 2.1 2.2 2.3 2.4 大內地教授李薇認言論出位搏續約 批學生道聽途說反安法 | 獨媒報導. . 2020-09-27. 喺2021-05-27搵到.
  3. 大內地教授食路祭品  拾回家烹調讚美味 稱開心關你屁事. 2020.09.12. 原著喺2021-03-22歸檔. 喺2021-01-18搵到.
  4. 大執祭品教授稱獲祖先保護 喚記者撿生果榨汁製特飲. 2020-09-27. 喺2021-01-18搵到.
  5. 5.0 5.1 5.2 大內地學者李薇疑挪用長者八達通搭港鐵斷正 被追收附加費. . 2021-01-17. 原著喺2021-01-17歸檔. 喺2021-01-18搵到.
  6. 6.0 6.1  . 港01. 2021-01-17. 喺2021-01-18搵到.
  7. 大學者李薇疑挪用長者八達通 搭港鐵遇查發難被追收費. . 2021-01-17.
  8. 鬧港鐵39歲中大學者李薇疑挪用長者八達通 搭港鐵遇查發難被追收費. . 2021-01-18.
  9. 39 歲中大祭品授 疑用長者八達通斷正 怒轟港鐵職員本家走狗. . 2021-01-17. 原著喺2021-02-18歸檔. 喺2021-05-27搵到.
  10. 薇說:我是中大教師 - 林夕 | 蘋果日報. Apple Daily 蘋果日報 (香港中文). 原著喺2021-01-22歸檔. 喺2021-05-27搵到.