李進 (經理人)
香港演藝界幕後人員
李進（英文：Lee Chun, Frankie；1960年—）係香港演藝界幕後人員，佢喺1978年高中畢業後替獨立公司推廣搖滾樂，同時兼任唱片騎師，1980年入職商業電台節目監製同唱片騎師，到咗1983年加入華星唱片經理人部門。
| 李進 | |
|---|---|
| 幕後 | |
| 羅馬拼音 | Lee Chun |
| 英文名 | Frankie Lee |
| 國籍 |  中國（香港） |
| 出世 | 1960年（63–64歲） |
| 屋企 | 香港 |
| 職業 |
|
| 教育程度 | 高中 |
| 配偶 | 李敏（2001年結婚） |
| 仔女 | 兩女，包括李賞 |
| 出道地 | .svg){kind=small} 英屬香港 |
| 活躍年代 | 1980年開始 |
1991年，李進自組經理人公司，曾經擔任藝人黎明嘅經理人，1995年過檔華納唱片任職董事總經理，1999年獲楊受成邀請出任英皇娛樂執行董事兼行政總裁。2001年到2008年喺大國文化集團擔任行政總裁，之後淡出娛樂圈，而且喺元朗圍村祖屋從事園藝同耕種[1]。2001年，李進同香港跨媒體創作人李敏結婚，大女李賞喺2018年加入娛樂圈做演員[2]。
經理人工作
編輯李進入行初期曾經做過唱片騎師同音樂推廣工作，之後喺劉培基嘅鼓勵之下轉職經理人。1983年，李進加入華星唱片經理人部門，負責管理公司旗下嘅歌手，幫佢哋搵演出機會[3]，佢曾經擔任歌手梅艷芳嘅經理人，同時負責呂方、杜德偉、蘇永康同許志安等歌手嘅工作，志願成為獨立經理人[4]。李進擔任職華星唱片期間見到當時嘅新人黎明唔受公司重視，不過佢認為黎明係一個好有發展潛力嘅藝人，因為當時李進並非獨立經理人，未能決定藝人所有工作，所以計劃開設自己嘅經理人公司，之後同朋友一齊成立百仕活娛樂事業有限公司。
另一方面，歌唱老師戴思聰同蔡國權推薦黎明簽約寶麗金唱片，又同百仕活娛樂事業有限公司洽談經理人合約，仲要求李進同蔡國權合作協助解除黎明同華星唱片嘅經理人合約[5]，經過討論，李進決定代表華星唱片同黎明解約，之後喺1991年成為黎明嘅經理人，負責黎明嘅一切演藝事務[6]。1995年，李進退股負責幫黎明安排工作嘅百事活娛樂事業有限公司，同年4月3號過檔華納唱片擔任董事總經理[7]，之後亦都做過鄭秀文嘅經理人[8][9]。
參考
編輯- ↑ 〈金牌經理人李進被廉署拘捕助查〉 (中文)。東方娛樂。2003-07-17。原先內容歸檔喺2020-10-03。喺2020-10-03搵到。
- ↑ 〈李進李敏大女低調入行 李賞：我最想做導演〉 (中文)。明報周刊。2019-05-03。原先內容歸檔喺2020-08-18。喺2020-10-03搵到。
- ↑ 〈「保住張國榮八六演唱會」陳善之回首前塵四十載（十一）〉 (中文)。明報周刊。2016-01-23。原先內容歸檔喺2020-10-02。喺2020-10-03搵到。｢當時負責經理人部門的李進好辛苦，不斷拚命替這班新人找演出機會，記得有間酒廊叫火鳳凰，很多新秀都在這裏登台過，既有錢賺又可增加經驗。｣
- ↑ 〈金牌經紀人李進：黎明鄭秀文可以進軍好萊塢〉 (中文)。新浪影音娛樂。2003-07-13。原先內容歸檔喺2004-11-25。喺2020-10-03搵到。
- ↑ 戴思聰 (2011–07)。《星河回憶錄》 (中文)。香港：花千樹出版有限公司。頁 101－104。ISBN 9620756126。
{{cite book}}: CS1 maint: date format (link) - ↑ 〈樂壇教父戴思聰辭世 今衆紅星皆師出戴門〉 (中文)。新浪全球新聞。2010-07-18。原先內容歸檔喺2020-10-04。喺2020-10-04搵到。
- ↑ 〈李進入主華納是非表〉 (中文)。東Touch。1997。原先內容歸檔喺2022-02-13。喺2022-02-13搵到。
- ↑ 〈拍檔起風波〉 (中文)。蘋果日報。2010-11-09。頁 C02。
- ↑ 〈王牌經紀人李進：我怎樣捧紅黎明、鄭秀文〉 (中文)。東方娛樂。2003-07-17。原先內容歸檔喺2020-10-03。喺2020-10-03搵到。
