李運騰

李運騰，香港原訟法庭法官，國安法指定法官之一，因為有份處理唔少政府對民主派人士政治檢控嘅案件，而得到一啲公眾關注。

李運騰喺香港大學攞咗法學士學位同埋法學專業證書之後，喺93年加入咗前嘅律政署，做起檢察官。到咗95年，晉升做咗高級檢察官，05年再晉升做副首席政府律師，同年都出任高級助理刑事檢控專員嘅職位。佢喺13年被委任去區域法院做法官，19年1月14號起就升級做高等法院原訟法庭嘅法官。