東北九省

東北九省係中華民國喺民國36年（1947年）對中國東北嘅政區劃分。因為滿洲國將本嚟東北三省遼寧、吉林、黑龍江分做18省，中華民國收返呢區後，顧及實際情況，將呢區分做9個省：遼寧、安東、遼北、吉林、松江、合江、黑龍江、嫩江、興安，同埋3個直轄市：大連、瀋陽、哈爾濱。

中華民國分區，紅色係東北

不過嗰陣國共內戰已經再爆發，中共已經實際控制住東北九省唔少地方，所以東北九省一直未有成功實施，到中華人民共和國建政後，恢復東北三省，而中國東北嘅具體範圍亦同民國有啲差異。