東征陣亡烈士紀念園
| 中國全國重點文保單位 東征陣亡烈士紀念園
| |
|---|---|
 | |
| 所在 | |
| 類 | 大型墓葬 |
| 時代 | 中華民國 |
| 登錄 | 1997年 |
史
編輯1925年，國民軍喺平定滇桂軍叛亂同沙基慘案時死傷無數，其中黃埔軍校有516位學生喺呢兩場仗俾敵人殺咗。後嚟軍校啲人為咗紀念佢哋，同年出咗65,000大洋起咗呢間紀念園，直到1926年6月16號起好。1937年起埋墓道同紀念坊、碼頭嚟發揚軍校師生嘅有揚黃埔精神。後嚟因年久失修，加上文革破四舊時期出現人為破壞因素而逐漸出現殘舊跡象。後嚟廣州市人民政府喺1978年拆咗墓道附近啲違章建築，1984年出錢搞修繕工作，重喺1989年出咗130幾萬蚊人民幣將隔開咗墓道條路用墻圍住；1991年順便起埋東征史跡陳列室。1997年被列為全國重點文物。
景觀
編輯紀念園有50,000幾m²咁大，入面有方形墓臺、碑亭、記功坊、蔡光舉烈士墓、一大堆入伍生之墓等。
- 東江陣亡烈士墓
紀念園中心一墓，1925年12月起，1926年6月16號起好，入面埋咗黃埔軍校兩次東征、平定滇桂軍叛亂同沙基慘案入面死咗啲烈士殘骸。
- 蔡光舉烈士墓
紀念園西南一墓，喺1926年起好，入面埋咗蔡光舉啲骨灰響度，因為蔡光舉係黃埔軍校第一期學生，參加過黃埔軍校東征，但第一次東征時（平定滇桂軍叛亂）俾敵人亂槍殺死咗。
- 少將墓
紀念園東北一景，喺1936年搬到萬松嶺而安葬，1989年重修過，入面埋咗17位少將啲骨灰響度。呢17位少將都係黃埔軍校出身嘅國民黨陸軍人馬，喺派系鬥爭當中冚嗮家產。上邊嘅墓名係由國民黨陸軍中將——李漢魂幫吳滄桑而寫。
- 學生墓群
紀念園東南一景，喺1984年搬到萬松嶺而安葬，入面埋咗黃埔軍校啲學生同八伍生啲骨灰響度。墓群未搬到萬松嶺之前，好多時分散喺長洲萬松嶺上，但因年久失修，有好多墓碑唔見咗或爛嗮。
- 東江陣亡烈士記功坊
紀念園中心偏東南一牌坊建築，個樣按法國巴黎嘅凱旋門樣嚟整，但佢有3個大門口。入面有寫黃埔軍校烈士嘅芳名同陸軍中將——劉堯宸嘅功蹟。入面有嚿碑刻，雖然喺文革期間俾人整蠱，但1984年重新搞返出嚟，1991年重修。
- 北伐紀念碑
紀念園外東南一景，屬舊時濟深公園範圍，1928年起好，1984年重修過，入面埋咗黃埔軍校出身、因北伐戰爭而死嘅將士同上校啲骨灰響度，碑上邊有佢哋啲名。
攷
編輯
- 2016黃埔軍校舊址旅遊攻略之東征烈士墓園 相約久久
- 國共兩黨烈士唯一眾骸共葬的地方——東征陣亡烈士墓園 粵台視窗
- 東征烈士墓園 黃埔軍校舊址紀念館