東洋史

東洋史，喺日本學術領域係指中國史。東洋史學喺日本係指以專門研究中國史為主體嘅一門學科，包括中國思想史、哲學史、政治史、經濟史、文化史、文學史、藝術史、風俗史、語言史、音樂史同醫學史嘅研究。

喺日本好多大學，都設立有東洋史學專修科，最早設立東洋史學專修科嘅大學係東京帝國大學（即係而家東京大學）。東京帝國大學教授那珂通世被尊稱為日本「東洋史學始創者」^[1]，東京帝國大學教授白鳥庫吉被尊稱為日本「東洋史學嘅太陽」。