東海道新幹線

東海道新幹線日文漢字:東海道新幹線;假名:とうかいどうしんかんせん;英文:Tokaido Shinkansen)係世界頭一條高速鐵路,連接日本東京站新大阪站,長515公里,1964年通車。由JR東海營運。由於好多列車同山陽新幹線(連接新大阪站同福岡市博多站)直通運行,所以都有人總稱佢哋為東海道・山陽新幹線。

東海道新幹線

概況

東海道新幹線係全日本而且係全世界第一條高速鐵路。

喺東海道新幹線開業之前,日本東西運輸嘅大動脈東海道本線(連接關東嘅東京站同關西神戶站)因為快速經濟成長而面臨容量唔夠嘅問題,所以有必要由根本上增加運輸能力。因此,日本國鐵(JR前身)決定咗要建設可以高速行駛喺標準軌嘅新鐵路線。1959年4月20號,東海道新幹線正式動工。1964年10月1號,東海道新幹線全線開業以迎接10月10號開幕嘅東京奧運。喺計劃階段叫東海道新線,而開業嘅時候就命名為東海道新幹線。新幹線呢個名係由二戰之前對東京站至山口縣下關站嘅子彈火車計劃嘅內部稱呼以嚟。由於而家國際上除咗以正式英文名「Shinkansen」嚟稱呼日本高速鐵路之外,佢仲有個花名係「Bullet train」(子彈火車)。