東涌侯王古廟

東涌侯王古廟

東涌侯王古廟，又叫東涌侯王宮，係香港一座侯王廟，供奉楊侯王，係喺大嶼山東涌沙咀頭嘅西面，正面對住東涌灣，喺1985年被評為香港二級歷史建築，2010年2月4號確定評級。

歷史

東涌侯王古廟喺清朝乾隆三十年（1765年）起嘅，供奉南宋名臣楊亮節。係當地村民由九龍城侯王廟請返嚟供奉，目的係用嚟克制瘟疫。由於以前流傳楊亮節喺保護宋帝昺嘅時候，曾經喺東涌灣外同元軍海戰，所以將座廟起喺呢度。