東涌天后宮

東涌天后宮，又叫赤鱲角天后宮，喺香港離島區大嶼山東涌黃龍坑道，喺道光三年（1823年）^[1]由深灣村鄉民夾錢起，喺1985年被評為一級歷史建築，2010年2月4號改評為香港二級歷史建築。

東涌天后宮原本起喺赤鱲角嘅東北面^[1]，成間廟宇，連同天后神像同廟前面嘅聚寶爐等，都係用瑰麗嘅花崗石造成，係香港唯一採用全石料建造嘅古廟，喺1991年拆咗，將所有嘅構件保存，並喺東涌黃龍坑起返，1994年重新開光。

呢一間石廟，全部用石建成，祇有瓦面係用瓦，樑門係用木，其餘所有部分，都係用石建成，故此叫佢做「石廟」。間廟所供奉嘅唔係石神，廟裏面嘅神係天后娘娘，廟嘅門額上面刻住「天后宮」三個字，廟雖然細，但香火極盛。廟嘅兩邊，都有石牆保護，唔怕颶風吹襲，非常穩固。

參考