東谷小雪日本動漫作品《Keroro軍曹》裏面Dororo兵長嘅主人。佢係一名女忍者。而家係吉祥學園中學部嘅2年A組生日向夏美嘅好朋友。「小雪」呢個名係由忍者時代嘅朋友,自稱係小雪寄名阿媽嘅「骸」所改。當時,天上有好靚嘅雪花徐徐飄落,故此改名「小雪」。[1]

動畫配音 編輯

外表同埋服裝 編輯

小雪出場嗰陣多數着忍者衫,瞳孔係藍綠色。頭髮深綠,用紅色絲帶綁成馬尾(動畫版同漫畫版所綁嘅位置唔同,不過動畫版由第五部開始改返同原作一樣),亦有普通嘅便服。動畫首次登場嘅便服係冇袖嘅夏裝。其後着過嘅便服亦有長袖同埋冇袖。返學着水手裝(離開忍村時由骸得到),共夏季同冬季兩款。泳裝有同學校訂製同埋個人款式,一共3款。[2]

性格 編輯

十分活潑好動嘅少女,但亦有容易被影響嘅一面。例如響動畫版第56集上半部因為睇咗以友誼為主題嘅電影而受感動,竟然搵夏美網球形式對決;第88集為咗能幫助唱歌而感到喜悅(另外三人:夏美桃華摩亞就好困惑)。喺第115集上半部更因希望同友人一齊表現,過於喜悅而無意使出忍術。擅於交朋友,認為與其要人哋當自己係朋友,不如自己先當人哋做朋友。

因為長時間響忍村生活,所以對城市唔係咁了解。例如動畫版111集上半部攞出古怪嘅嘢食點心,令夏美好吃驚;66集下半部喺餐廳上有敏感嘅意識而掟忍者飛鏢(手裏劍)。唔知道列車(電車)上嘅禮儀,曾經以為放行李嘅網架係坐位。而對於「普通」都有自己嘅一套見解。

生活 編輯

忍野村

同忍者村中的同埋時雨係好朋友,前者係同小雪改名嘅寄名阿媽,後者係貌似鍾意小雪嘅前輩。細個會同佢哋一齊修煉忍術。有一日喺捉動物用嘅圈套上發現咗Dororo,重誤以為佢係河童

其後離開忍村,以轉學嘅方式進入吉祥學園。

城市

而家同Dororo一齊保護地球唔受外星人侵略。同Keroro小隊關係友好,屢次幫助Keroro小隊。住喺一間水車小房度。

以轉學形式入吉祥學園,亦同夏美、五月、彌生等人成為好朋友。校服同其他學生唔同。

交友關係 編輯

小雪冇同任何角色有不良嘅關係,大多數係朋友。不過佢同以下人物嘅關係就比較突出:

Dororo兵長

Dororo兵長係小雪嘅夥伴,決心同小雪保衛地球。動畫版同小雪一齊住喺水車小屋,漫畫版同小雪一齊住喺日向家旁邊。

日向夏美

關係好好嘅朋友。小雪初開學嘅時候,坐位被編到夏美嘅左邊,五月同埋彌生嘅前面。運動方面小雪同夏美嘅能力不相伯仲。當2A班同2B班有體育比賽嘅時候,兩人會合作,以團結力量戰勝2B班。

Giroro伍長

Giroro伍長認為小同與夏美關係太過友好,所以好妒忌,會監視小雪嘅行動。不過喺動畫版119集上半部,亦稍微睇到兩人之間微妙嘅友情。

西澤桃華

朋友關係,會互相幫助。雖然小雪曾經響動畫34話為咗可以同夏美一齊去溫泉旅行而同桃華展開激鬥,但亦試過幫桃華奪取畫咗桃華細個個樣嘅畫。

北城睦實

朋友關係。喺239集上半部,佢同小雪曾經一齊揾生日禮物送畀夏美(生日禮物不明),但係俾夏美喺街上撞到正而誤會佢哋兩個有戀愛關係。

日向秋奈

小雪同日向秋奈(冬樹同埋夏美嘅阿嫲)第一次見面係動畫版91集下半部。日向秋奈畀自世冇雙親嘅小雪一種親切嘅感覺,所以兩個人非常友好。

時雨

小雪兒時嘅忍者朋友,喺動畫209集第一次出場。小雪曾經加入由佢主辦嘅組織(SIP),但因為掛住朋友而離開。

小雪兒時嘅忍者朋友,喺動畫98集第一次出場。小雪自細同佢一齊練忍術。

小雪嘅稱呼一覽 編輯

叫小雪嘅稱呼 俾小雪叫嘅稱呼
Keroro 小雪大人 Dororo的朋友/Keroro
Giroro 東谷小雪 Giroro
Dororo 小雪大人 Dororo
Kururu 東谷小雪 Kururu
日向冬樹 東谷學姊 冬樹
日向夏美 小雪 夏美
日向秋 小雪 (不詳)
西澤桃華 小雪 桃華
北城睦實 小雪 睦實學長/623
安哥爾.摩亞 小雪 摩亞
日向秋奈 小雪 外婆
時雨 小雪 時雨
小雪

能力 編輯

運動方面,作為忍者嘅小雪有相當驚人嘅運動天賦,同夏美不相伯仲,有啲方面甚至勁過夏美(例如柔軟體操),而網球同埋羽毛毽等就勢均力敵。而小雪嘅忍術,名稱大多以「小雪忍法」開頭。善用化裝策略,曾經響漫畫版第70集成功假扮桃華嘅外形同埋聲線,雖然最後俾桃華發現咗,但桃華本人都話小雪唔能夠輕視。嗅覺都好靈敏,曾經成功以嗅覺破解Kururu嘅發明品。

小雪嘅語文能力好好,睇得明古文。但係欠缺日本嘅傳統知識

小雪會整外表古怪嘅飯團。有時好好食(動畫70集),有時就好硬(動畫96集)。

角色扮演 編輯

彼得潘
動畫版第29集上半部,同夏美幫戲劇小組扮演嘅角色。同死板嘅夏美不同,非常快樂活潑,對彼得潘嚟講請小雪係一個幾適合嘅演員。
豹女
動畫版第86集下半部,小雪佢哋俾Keroro夾硬拉去做劇嗰陣扮演嘅角色。俾KERORO所寫嘅劇本操控,同Dororo展開激鬥。
雉雞
動畫版第87集下半部,響愛麗絲夢遊仙境嘅故事扮演嘅角色。
刺客
動畫版第182集上半部,喺Keroro嘅夢裏面出場,同平時忍者衫造型唔同。同Dororo一起,以Keroro同埋Giroro手持嘅寶物為目標。
公主
響《Keroro軍曹大電影2 決戰水着魔女》裏面Keroro所召開嘅公主競賽小雪嘅造型。基本上係比平時嘅忍者衫更華麗嘅造型。[3]
雪乃進
keroro戰國篇嘅角色,動畫249集出場。外表同小雪好似。

參考 編輯

  1. 漫畫第1至15冊,第1至135話。
  2. 東谷小雪的圖片集
  3. Keroro超劇場版2 深海的公主方網站. 原著喺2008年12月26號歸檔. 喺2008年12月24號搵到.