林小薇
林小薇（英文：Lam Siu-mei；1995年3月2號—），香港工會領袖，嶺南大學學生會前時事及國是幹事。大學畢業後加入職工盟，曾經做過職工盟教育及發展幹事、建築地盤職工總會組織幹事[1]。
| 林小薇 Lam Siu-mei | |
|---|---|
| 嶺南大學學生會時事及國是幹事 | |
| 任期 2015年3月1號－2016年2月29號 | |
| 前任 | 余煒彬 |
| 繼任 | 陳穎茵 |
| 個人資料 | |
| 性別 | 女 |
| 出世 | 1995年3月2號.svg){kind=small} 英屬香港 |
| 國籍 | .svg){kind=small} 英國國民（海外） 中國（香港） |
| 政黨 |  香港職工會聯盟 |
| 居住地 | 香港 |
| 母校 | 港九潮州公會中學 嶺南大學 |
經歷 編輯
林小薇出身單親家庭，早年喺港九潮州公會中學度讀書，後來入咗嶺南大學社會科學系，喺第48屆嶺南大學學生會幹事會內閣「驚蟄」度做時事及國是幹事[2]。
發起畢業禮示威抗議林鄭月娥 編輯
2018年11月22號，嶺南大學舉行畢業典禮，身兼嶺南大學校監嘅香港特首林鄭月娥以典禮主席身份出席。林小薇作為應屆畢業生帶領其他同學發起示威，不滿林鄭月娥繼續揾親共派人士做校董，要求廢除特首校監當然制，同埋修改《嶺南大學條例》。另一方面，林小薇亦認為嶺南大學嘅言論自由不斷收窄，同特首校監當然制，仲有校董會組成唔公平有關。林小薇話，最近有同學就反對「明日大嶼」計劃喺嶺南大學發起聯署，一直以嚟都無事嘅。但到嶺南大學校長鄭國漢公開表示支持林鄭嘅「明日大嶼」計劃嗰陣，呢班同學繼續喺學校收集聯署同批評鄭國漢嘅言行嗰陣，竟然畀學校阻止，即係叫佢哋收聲。所以佢哋睇到嶺南大學嘅言論自由正續步收窄[3]。
接受電視訪問談論職業安全 編輯
2019年3月18號，林小薇以建築地盤職工總會組織幹事身份喺Now新聞台節目《時事全方位》作為嘉賓接受訪問，談論增加罰則能唔能夠有效提升職業安全，林小薇話，發展商外判工作嗰陣，似乎將責任都外判，佢哋有責任監察，外判商要懲罰之餘，發展商亦要監察嘅責任係需要嘅[4]。
派發防疫用品卻反而畀香港警察票控 編輯
2020年5月6號，喺新冠肺炎香港疫情期間，林小薇同建築地盤職工總會喺金鐘開街站派發防疫物資，畀香港警察指控違反限聚令，兼遭到票控。林小薇認為，好明顯所有異見嘅聲音警方都要打壓，街站無挑戰法律，挑戰法例嘅係警方，因為佢哋可以將有防疫嘅街站都老屈到唔係。林小薇強調如果警方票控或者捉走佢哋，佢哋就唔出嚟，就係向警方低頭，即使今日被票控或捉走，工會未來仍會履行宣傳教育嘅工作，派發剩餘嘅抗疫物資[5]。
抗議富臨集團唔出糧卻反而畀香港警察捉走 編輯
2020年5月10號，林小薇聯同民協同職工盟屬會飲食及酒店業職工總會到喺美孚嘅富臨皇宮，抗議富臨集團藉放無薪假，逃避支付員工嘅遣散費。富臨報警處理，香港警方以公眾地方行為不檢捉走林小薇同草根行動媒體記者Apple。兩個人夜晚保釋候查，多個工會到場聲援，職工盟炮轟警方濫捕，兼縱容富臨拖欠工人遣散費。林小薇稱，示威屬工業行動，要富臨交代拖欠遣散費嘅安排。佢提到，警方先發制人，多次向佢同Apple作拉扯，警察嘅人數之後越來越多，兼捉走佢哋兩個人。佢質疑，當時曾經問警察用咩罪名捉佢哋，但喺無任何回應下，就畀警察上手扣同帶走。林小薇進一步提到，同年元旦、勞動節同早前嘅防疫街站都畀警方滋擾同檢控，但親共派嘅街站就無皇管，係選擇性執法，完全唔公道、唔公義[6]。
反對職工盟解散 編輯
2021年10月3號，職工盟召開特別會員大會，表決係咪正式通過解散。林小薇聯同其他職工盟成員同屬會代表下午喺會議開始前擺街站，分享參與工運嘅經歷同對職工盟嘅不捨之情。林小薇話，曾收到工友打電話問她職工盟可唔可以唔解散，佢話自己都唔想職工盟解散，形容社會運動同過去經歷令佢哋見到唔少可能性，強調希望透過街站，分享職工盟有血有肉嘅故事。她提到自己讀書時期已經揾職工盟合作，希望職工盟嘅價值可以承傳落去[7][8]。
睇埋 編輯
參考 編輯
- ↑ 〈【勞動節】地盤工會雙妹嘜盼工人勇敢發聲 「希望唔洗再追糧」〉. 香港獨立媒體. 2019-04-30.
- ↑ 第 48 屆嶺南大學學生會幹事會內閣 － 驚蟄 Rouse. 〈候選時事及國是幹事〉. 喺2014-11-10搵到.
- ↑ 〈嶺大學生在畢業禮示威 要求釋放佔中9子〉. 《自由亞洲電台》. 2018-11-22. 原著喺2022-05-22歸檔. 喺2022-03-02搵到.
- ↑ 〈【時事我咁講】發展商外判工作時似將責任外判〉. 《Now新聞》. 2019-03-18. 原著喺2022-03-02歸檔. 喺2022-03-02搵到.
- ↑ 〈地盤工會街站派防疫品 警指屬「部份公眾集會」 票控違限聚令〉. 《香港獨立媒體》. 2020-05-06. 原著喺2022-05-15歸檔. 喺2022-03-02搵到.
- ↑ 〈職工盟轟黑警濫捕 縱容富臨拖欠遣散費〉. 《香港獨立媒體》. 2020-05-10. 原著喺2022-04-01歸檔. 喺2022-03-02搵到.
- ↑ 〈職工盟會員大會表決解散議案 城巴職工會︰職工盟解散否也繼續運作【短片】 (15:01)〉. 《明報》. 2021-10-03. 原著喺2022-05-24歸檔. 喺2022-03-02搵到.
- ↑ 〈職工盟會員大會表決解散否 屬會嘆傷感 憂政府視工會為無牙老虎〉. 《香港01》. 2021-10-03. 原著喺2022-03-02歸檔. 喺2022-03-02搵到.
| 前任： 余煒彬 |
嶺南大學學生會時事及國是幹事 2015年3月1號－2016年2月29號 |
繼任： 陳穎茵 |