林彬
(由林彬 (香港)跳轉過嚟)
林彬（1929年9月24日—1967年8月25號），原名林少波，係1960年代商業電台每日時事節目壓陣嘅時事評論家，佢喺廣州出世，後生嗰時移居香港，做過粵語片演員，嚮楚原導演嘅《大丈夫日記》入面，飾演巫日明，故事講佢係男主角張英才嘅老友，同場演出嘅重有南紅、李香琴、羅蘭同黎雯[2]。
| 林彬 | |
|---|---|
| 出世 | 1929年9月24號 中華民國廣東省廣州市 |
| 死 | 1967年8月25號（37歲）.svg){kind=small} 英屬香港九龍京士柏伊利沙伯醫院[1] |
| 職業 | 香港商業電台播音員 |
喺六七暴動期間佢喺電台節目猛烈炮轟暴徒嘅暴行，之後一直不斷收到恐嚇信。喺8月24號朝早，佢揸車載埋堂細佬林光海一齊返商台途中，畀扮成修路工人嘅左派份子截停，然後兇徒再將汽油彈掟入林彬架車裡面，林彬同堂細佬全身著火後逃出車外，但係左派兇徒繼續喺佢哋身上淋汽油，林彬同堂細佬林光海都被嚴重燒傷，先後喺8月25號同29號喺伊利沙伯醫院重傷身亡。呢單兇案嘅左派兇徒嘅殺人手法相當兇殘，震驚咗整個香港社會，香港市民都好悲憤，加上幾日前嘅8月20號左派暴徒放炸彈喺北角清華街炸死咗兩個年紀好細嘅親姐弟，香港人更加支持香港政府嚴厲對付左派恐怖份子[3]。
電影作品
編輯- 演員
參考
編輯- ↑ 〈回到1967大撕裂的時代〉。《明周文化》。2017-02-02。原先內容歸檔喺2021-02-03。喺2019-07-29搵到。
- ↑ Youtube: 粵語片《大丈夫日記》 ~ 林彬 (1964)
- ↑ 〈左派拍片圖為暴行翻案〉。《蘋果日報》。果靈聞庫。2015-09-16。原先內容歸檔喺2021-08-30。喺2023-06-28搵到。
 |