林松 (澳洲華人)

林松係澳洲華裔政治人，2021年宣布參選澳洲新南威爾士州Ryde市議會西選區。

早年生涯

因為擔心香港主權移交畀中國會削弱香港人嘅人權，林松喺1991年由香港移民去到澳洲^[1]。之後佢1997年喺新南威爾士大學政治學博士畢業（論文題目：「On the concept of human rights in China」^[2])

佢長年用唔同媒介，例如係自己嘅網上節目頻道『時事探索』入面公開抨擊中國共產黨，又不點名形容澳洲被中國勢力影響越來越嚴重。對於有啲華裔投機政客宣揚澳洲無民主普選，佢亦作出大力抨擊。另外，佢亦曾經聲援香港反送中運動^[3]^[1]^[4]。

亦因為咁，佢曾經成為一啲親共人士嘅恐嚇對象。2010年，佢喺Ultimo嘅網上電台辦公室收到一封手寫恐嚇信，當中叫佢唔好再講北京六四大屠殺事件，如果唔係就會好似1967年香港反共節目主持人林彬噉死法^[1]。

近年，澳洲因應香港人權問題同整體局勢惡化，提供救生艇畀香港人，林松亦有喺《看中國》等媒體討論有關嘅事^[5]^[6]。