柯士甸馬敦

柯士甸馬敦（粵拼：o1 si6 din1 maa5 deon1）（英文：Austin Mardon；1962年 6月25號—）係加拿大嘅作家兼社區領袖同傷殘人士權利教育家^[1]。做過亞伯達大學督錫他健康倫理學院嘅教授助理，1980年代中成立非盈利組織加拿大南極洲研究所^[2]。

家庭歷史

馬當喺加拿大亞伯達省愛民頓市出世，曆橋市大，依家住喺愛民頓。佢阿爸係退休大學教授。馬敦嘅阿爺都叫做柯士甸·馬敦，喺劍橋大學畢業之後做咗比較古典文化和歷史科嘅教授。馬敦嘅阿爺同阿嫲，瑪麗，買低咗蘇格蘭嘅阿多斯城堡^[3]。呢棟城堡嘅物業權喺1983年之前都喺馬敦家族嘅。

馬當博士喺1985年喺曆橋大學嘅地理系畢業，之後又喺1988年美國南達科他州立大學取得地理學碩士學位。佢喺1990年向德薩斯州農工大學取得教育碩士學位。喺2000年，佢通過遠距教學向格林尼治大學（諾福島）取得博士學位。佢重喺2011年獲得亞伯達大學榮譽法學學位（法學博士）。

1986年，喺南達科塔州立大學做嘢嗰時，馬敦博士被應邀做1986-87美國航空航天局同美國國家科學基金會嘅南極隕石考察成員。離南極站170英里，佢嘅研究小組發現咗幾百粒隕石。喺佢逗留期間，佢個肺受到嚴重損害，重造成永久性嘅咳。之後，佢攞到美國國會南極服役獎章。

馬敦編輯、撰寫同出版咗50本書。佢出版過有關加拿大政治、歷史、心理健康、科學、地理、小說、兒童小說同好多學術文章摘要嘅書。喺1992年，馬當被診斷患有精神分裂症。由嗰陣時開始，佢有好多著作探討精神疾病嘅話題，重特別關注嗰啲需要提供援助嘅殘疾人。

↑ "Edmonton Man Who Triumphed over Schizophrenia to Receive Order of Canada". The Epoch USA, Inc. Oct 25, 2007. 原著喺2014年7月14號歸檔. 喺July 4, 2014搵到.
↑ Antarctic Institute of Canada 互聯網檔案館嘅歸檔，歸檔日期2016年7月29號，. Encyclopædia Britannica, Inc.
↑ 〈存档副本〉。原著喺2015年11月22號歸檔。喺2017年4月29號搵到。