梅子林
呢篇文講香港沙田嘅梅子林。想搵香港沙頭角嘅梅子林嘅話，請睇梅子林 (沙頭角)。梅子林（英文：Mui Tsz Lam）係香港新界一條村，亦係村一帶個名，喺馬鞍山山頂西南便山腰。村喺海拔130米左右打上 [1]，而佢周圍嘅風水林喺130到160米[2]，喺風水林物種數一項，係全港之冠。
地理
編輯梅子林喺馬鞍山山頂西南便山腰，佢西便有女婆山[1]。梅子林係三個谷嘅水嘅匯聚點，水由另一個谷向西北經大水坑流入大埔海[1]。沿東北谷上山以到石壟仔，沿西南谷上山，過女婆坳，落山就係小瀝源各村[1]。沿東南谷上出，可以到茅坪同黃竹山[1]，向南行，過一羣高山可以到西貢。
風水林
編輯全港116種風水林物種之中，梅子林兩公頃林地有72種，係全港之冠[2]。其中有羅傘樹，可以將雨水散開到周圍地上便[2]。