梨木樹

梨木樹係香港荃灣一個地方。佢今日嘅範圍就係和宜合山坡下面，梨木樹邨一帶。不過，原本梨木樹係條村來嘅，個位就響家下青山公路同梨木道交叉南面，響舊時葵涌呢條涌附近。

梨木樹取名可能同梨呢種樹有關，佢嘅木可以做傢俬。不過附近係咪真係有呢種樹，就無從稽考喇。　

今時今日已經無乜人知原本梨木樹響邊。發展荃灣新市鎮嘅同時，亦都將呢條村拆咗，原地只淨返梨木道呢個名。而梨木樹呢個名，就變咗淨係講佢北面嘅梨木樹邨周圍。