梯度消失問題（vanishing gradient problem）係運用梯度下降法嘅人工神經網絡上會遇到嘅一個問題，即啲梯度更新值成指數噉衰減、導致啲梯度唔點變乜嚌。
想像一個機械學習研究者用訓練一個神經網絡，用個網絡做預測嘅準確度作為表現指標；梯度下降法靠嘅係睇現時參數位置周圍嘅準確度（精確啲講係準確度隨參數數值嘅偏導數），並且將參數移去會令準確度更高嘅數值；問題係喺某啲情況下，梯度會消失（就算改變咗參數，準確度都唔會點變），於是個演算法就會唔識改變參數嘅數值，甚至令學習過程完全停止。
