隋恭帝（酅國公）楊侑（605年—619年9月14號），係隋朝末代皇帝，亦係隋朝元德太子楊昭嘅細仔，617年李淵打入長安後立嘅傀儡皇帝，年號義寧。
618年（第二年）隋煬帝楊廣死咗無幾耐，李淵就逼楊侑禪讓畀自己，隋朝正式亡國，楊侑被封為酅國公，619年去世。
由於佢同二哥楊侗死後謚號都係隋恭帝，為咗區別，史書一般叫楊侗做越王、潞國公、皇泰主，而楊侑就叫隋恭帝或者酅國公。
