楊美琪 (香港律政司)
律師
楊美琪，香港律政司人員，而家係刑事檢控專員[1]，喺逃犯條例修訂草案風波期間，因為專責處理反修例示威嘅政治檢控[2]，而得到一定傳媒嘅關注。
爭議
編輯被指對參與泛民主派初選人士企圖未審先判
編輯喺針對2020年香港民主派初選嘅政治檢控拘捕入面，楊美琪擔任律政司嘅代表。律政司喺2月28號起訴47名泛民主派參與初選人士，但係去到開庭嗰陣，先話要時間處理大量數碼鑑證，要求押後3個月去到5月31號再次提堂，期間反對所有被告保釋。多名辯方律師喺庭上表明反對，質疑時間太長唔合理，又批評差人未做好調查急於提控，係自相矛盾。由於多名被告都係區議員，多名辯方代表都批評咁做阻住佢哋做嘢，對佢哋嘅選民極度唔公平[3]。民主黨前主席劉慧卿喺第二日聆訊（3月2號）嗰陣有嚟旁聽，批評律政司做法離譜，唔止未完成舉證，仲想未審先判將40幾人送去監獄還柙，形容係香港法律界嘅大醜聞，無嗮程序公義，又呼籲中央政府尊重中英聯合聲明[4]。
去到2022年7月，美國國會轄下嘅美國國會及行政當局中國委員會發表咗一份關於香港檢控人員喺政治檢控案件入面所扮演嘅角色嘅研究報告，報告建議美國政府向包括楊美琪在內，合共 15 名曾參與政治檢控案件嘅律政司人員作出制裁[5][6]。
參考
編輯- ↑ 〈香港特別行政區政府及有關機構電話簿〉。www.directory.gov.hk。喺2021-03-04搵到。
- ↑ 頭條日報。〈【獨家】譚耀豪加入審批「撤控」 接任刑控科「一哥」大熱〉。《頭條日報 Headline Daily》 (中文)。原著喺2020-09-16歸檔。喺2021-03-04搵到。
- ↑ 〈眾新聞 | 【初選大起訴】4度開庭逾7句鐘始處理保釋申請 料通宵審理 控方申休庭「放飯」被拒〉。《眾新聞》 (中文)。原著喺2021-03-12歸檔。喺2021-03-11搵到。
- ↑ 〈【初選47人案】今午續開庭 5人仍在留院缺席 | 獨媒報導〉。《香港獨立媒體網》。喺2021-03-11搵到。
- ↑ 〈美國國會委員會建議制裁 15 名律政司檢控人員 禁止入境美國 封鎖資產 | 國際新聞 | 同文 Commons〉 (香港中文)。2022-07-13。喺2022-07-13搵到。
- ↑ 〈美國會倡制裁林定國及刑事檢控專員 學者：較低級政府沒辦法不害怕〉。《大紀元時報 香港｜獨立敢言的良心媒體》 (香港中文)。2022-07-14。喺2023-08-17搵到。