楊過,字改之,人稱神雕俠,係虛構之金庸武俠小說《神鵰俠侶》嘅男主角。佢老豆叫楊康,佢阿媽原版係秦南琴,新修版係穆念慈。佢老婆叫小龍女。佢係南宋人。

生平

佢未出世佢阿爸已經死咗,十一歲時佢阿媽亦都死埋。後來拜歐陽鋒做契爺。同一年俾佢阿爸嘅義兄郭靖帶去桃花島。因為衝突所以再被帶到去全真教

後來因為喺全真教俾人蝦而入咗古墓派,並同師父小龍女日久生情。後來佢哋出終南山後喺歸雲莊英雄大會打低咗蒙古國師金輪法王。但因為楊過想同小龍女一齊而俾郭靖趕走,後來由於黃蓉同小龍女傾楊過嘅事而令佢哋兩個分開。後來楊過同黃藥師做咗朋友,而從傻姑口中誤會黃蓉喺佢嘅殺父仇人。

為咗報仇,楊過經金輪法王邀請加入咗忽必烈陣營,仲識咗周伯通,為咗救周伯通而去咗絕情谷,後來得知絕情谷谷主公孫止想娶小龍女,為咗爭返小龍女,佢喺裘千尺相助中打贏公孫止。並應承裘千尺會攞郭靖黃蓉人頭嚟換取半粒絕情丹。

當楊過去到襄陽,佢唔忍心殺郭靖,甚至幫佢對付忽必烈嘅手下,後來為咗解決武氏兄弟嘅衝突而俾郭芙誤會臂斷咗右手,後來喺神雕指引下學識「劍魔」獨孤求敗嘅玄鐵劍法,並用玄鐵重劍喺重陽宮力戰群魔並同小龍女喺重陽宮成親。後來雖然小龍女喺公孫止手中攞到絕情丹,但因為楊過唔想獨活於世,所以小龍女同楊過立咗十六年之約。黃蓉為阻止楊過自殺而話小龍女係俾南海神尼帶走,而一燈就勸楊過食斷腸草解情花毒。喺呢十六年,佢喺海邊苦練劍法,發明黯然銷魂掌,佢仲行俠仗義,喺江湖中有「神雕俠」外號。

十六年後,由於佢令到周伯通瑛姑重逢而化解咗西山一窟鬼史氏兄弟嘅衝突,並認識郭襄同應承佢三個承諾。喺郭襄生日嗰日,楊過先後斬咗一千個蒙古先鋒對耳、指使江湖人士火燒蒙古糧草同識破霍都陰謀並同黃藥師駕臨英雄大會,但後來喺黃藥師口中得知原來冇南海神尼呢個人。後來佢喺嘉興鐵槍廟從柯鎮惡口中得知佢阿爸嘅為人。後來佢為搵小龍女而跳崖,最終喺絕情谷底同小龍女重逢。佢哋重逢後得知金輪法王打算攞郭襄做人質逼郭靖投降,為救郭襄,楊過用黯然銷魂掌打贏金輪法王,再用飛石射死蒙哥,延遲蒙古滅宋。最後喺第三次華山論劍晉身「天下五絕」,頂替義父「西毒」歐陽鋒成為「西狂」,拜別眾人後同小龍女退隱江湖。

武功

  • 桃花島:
    • 彈指神通
    • 玉簫劍法
  • 白駝山莊
    • 蛤蟆功
  • 丐幫
    • 打狗棒法
  • 全真教
    • 全真教內功
    • 全真劍法
  • 古墓派
    • 玉女劍法
    • 玉女心經
    • 玉女素心劍
    • 美女拳法
    • 天羅地網陣
  • 獨孤求敗
    • 玄鐵劍法
    • 驚濤駭浪
  • 其他
    • 黯然銷魂掌

人物關係

  • 阿爸:楊康
  • 阿媽:秦南琴(修訂版),穆念慈(新修版)
  • 義伯父:郭靖
  • 義伯母:黃蓉

影視形象