楓園下馬氏大宗祠
(由楓下馬氏大宗祠跳轉過嚟)
| 馬氏大宗祠 金紫堂 | |
|---|---|
 | |
| 主祀 | 地龍公（四世祖） 逢秋公（五世祖） 原高公（六世祖） 餘清公（六世祖） 餘聰公（六世祖） 文清公（七世祖） 福政公（七世祖） 錦成公（七世祖） 文廣公（七世祖） 仁廣公（七世祖） 智觀公（八世祖） |
| 家族信息 | |
| 家族 | 楓園下馬氏 |
| 起源 | 廣東新會 |
| 修建史 | |
| 始建 | 明代 |
| 重修 | 1663年 1765年 1885年 1998年 2007年 |
| 方位 | |
| 地址 | 廣州市黃埔區九佛街道楓園下村 |
| 朝向 | 坐南朝北 |
| 現時尚存 經已掛牌 | |
| 登錄名 | 楓下村馬氏大宗祠 |
| 等級 | 蘿崗區登記文物保護單位 |
| 分類 | 古建築 |
| 登錄時間 | 2011年12月15號 |
建築
編輯馬氏大宗祠坐南朝北，面闊三間16米， 深四進55米，佔地800平方。灰塑龍船脊，人字封火山牆，琉璃瓦，雕花封簷板。全祠每沓之間有天井同兩廊連接，兩廊四架捲棚頂。
頭門面闊三間16米，深兩間8.1米，十三架。門口兩邊有花崗石包台，牆有八仙同「水浸金山」圖形，上高掛陽刻嘅「馬氏大宗祠」匾，落款「乾隆歲次乙酉年」；門口兩邊對聯：「汴水家聲遠、扶風世澤長」。前後檐口各兩條石檐柱，蝦公樑，四步樑。第二沓面闊三間16米，深三間8.3米，十五架。前後檐口各兩條花崗石柱，中間4條木金柱。中堂面闊三間16米，深三間11.3米，十七架。前後檐口各兩條花崗石柱，中間4條木金柱，後金柱中間有屏風，掛「金紫堂」匾，名源自嶺南馬氏祖上二封金紫嘅典故。享堂面闊三間16米，深三間9.5米，十五架。花崗岩石柱躉，檐口兩條石柱，中間4條金柱承重[1]。神位有楓園下遠祖至近祖神主牌，側邊掛平西王像。
史
編輯嶺南馬氏四世祖地龍公，喺南宋末年由新會金紫街，遷入番禺縣鳳凰峒[2]（即後來嘅楓園下村）落腳，成爲楓園廈房始祖。後來地龍公嘅七、八世孫同村民夾錢起祠堂，初時得兩沓，九、十世孫嗰時又起多兩沓。清康熙二年（1663年）同光緒十一年（1885年）大修；1998年修祠堂瓦面[3]。2007年7月，享堂俾白蟻蛀到就來冧，楓下村委組咗個重修籌建組，聯合有關單位同部門、村民出錢重修成間祠堂。2011年12月15號列入咗蘿崗區登記保護文物名錄。
攷
編輯- ↑ 廣州市文物普查匯編編纂委員會 (2008)。〈馬氏大宗祠〉. 出自 陳建華 等 (編)。《廣州市文物普查匯編 蘿崗區卷》。廣州出版社。頁 121–122。ISBN 978-7-8073-1664-0。
- ↑ 廣州市黃埔區檔案局（館） (2017)。〈九龍鎮楓下行政村〉. 《廣東省自然村落歷史人文調查·廣州市黃埔區卷》。頁 497。
- ↑ 馬建新。〈楓下村 馬氏大宗祠與馬氏將軍〉。《廣州文史》 (簡體中文)。原著喺2020年3月27號歸檔。喺2018年1月29號搵到。