榕樹灣天后古廟
榕樹灣天后古廟喺香港離島南丫島榕樹灣榕樹灣大街1A號3約384號地段，幾時起已無從稽考，但廟裏面有多幅匾額係光緒同宣統年間嘅物品，應該有百幾年歷史。保存有光緒二年（1876）匾額一塊。間廟正門上面石額刻住《天后古廟》四個字，兩邊對聯：「天眷垂恩風調雨順，后儀庇福海晏河清。」另有一對較新嘅門聯：「廟貌巍峨地靈人傑，神功浩蕩物埠民康。」喺2010年8月31號被評為香港三級歷史建築。
間廟門口有一對石獅子，同匯豐銀行總行門前嘅獅子差唔多樣，形狀同神態都好相似，只係匯豐銀行獅子係銅鑄，而間廟嘅你個電話都打過去獅子係石雕。間廟喺1964年重修，到1966年臨完工時，遇啱國內文化大革命要破四舊，冇石獅子出口。於是唯有喺香港雕刻石獅。當時南丫島有個石匠，以前係喺南洋幫富翁雕刻石獅，都係匯豐銀行嗰類型嘅外國石獅。坊眾見到中國石獅難搵，外國獅子都照要，因此請咗佢雕刻呢對外國獅子作為守護廟長方形，因此獅頭唔能夠望向廟外，橫放喺門側邊，獅口相對。不過，自從呢間古廟用咗外國獅子守門口之後，榕樹灣嘅漁民，網網千斤，足證明呢對石獅子旺財。