槲寄生

槲寄生（粵拼：huk6 gei3 sang1；學名：Viscum album），中國東北當地叫冬青（簡化字：冬青），英文系國家叫mistletoe，係檀香科槲寄生屬嘅常綠細灌木仔，喺北亞同歐洲地區、中國華北到東北、四川同湖北、秦嶺地區、北韓同日本啲榆樹、樺、梨、櫟同槲、蘋果樹嘅樹枝上可以搵到。喺好遠地方望落去好似個雀巢噉。

How to read a taxobox 槲寄生
物種分類
域(Domain): 真核域 Eukarya 界 植物界 Plantae 門 被子植物門 Magnoliophyta 綱 雙子葉植物綱 Magnoliopsida 目 檀香目 Santalales 科 檀香科 Santalaceae 屬 槲寄生屬 Viscum 種 槲寄生 V. album
二元學名
Viscum album L.

呢種植物既係木本半寄生植物，又被稱為「樹上之樹」嘅植物。

樣

植株有6dm高，梗係黃綠色嘅圓柱體，有交叉形分枝；葉係全緣嘅單性對生品種，生喺樹杈或枝頂，而且又肥又大，好似啲披針噉，但長度得7cm。花係黃綠色嘅單性品種，公乸唔同樹，生喺樹杈或枝頂嘅兩嚿葉之間，而且一次生3～5朵。花公個樣好似個盃噉，有4條雄蕊；而花乸個樣好似個鐘噉，有1～3條雌蕊。每年春天開花。果係半透明嘅漿果品種，好似粒青荳咁細，熟咗之後變黃或橙紅或粉紅色，入面有帶黏性嘅乳汁；入面重有粒籽。每年秋天結果。啲籽好似亞熱帶或熱帶地區啲飛榕噉四圍傳播。

藥用

槲寄生嘅梗同葉可以做藥。有祛風濕、強筋骨、養血安胎、止咳同降壓嘅功效。

相

喺蘋果樹上生嘅槲寄生 喺蘋果樹上生嘅槲寄生  梗橫切面 梗橫切面  果 果  佢啲籽帶有黏性 佢啲籽帶有黏性

同桑寄生嘅區分

槲寄生同桑寄生經常俾人搞亂，因為花型相類似。雖然係噉，兩者實情差別幾大。

名	槲寄生	桑寄生
俗名	東北：冬青 華南：槲寄生	華北：寓木 香港：廣寄生 梧州：梧州寄生茶
花	兩性，有2輪花被。	單性，有1輪花被。
葉	革質，有直出嘅葉脈。	紙質，似倒立嘅蛋或橢圓形。
植物學分類	真核域 (Eukarya) > 植物界 (Plantae) > 被子植物門 (Magnoliophyta) > 雙子葉植物綱 (Magnoliopsida) > 檀香目 (Santalales) > 檀香科 (Santalaceae) > 槲寄生屬 (Viscum) > 槲寄生 (V. album)	真核域 (Eukarya) > 植物界 (Plantae) > 被子植物門 (Magnoliophyta) > 雙子葉植物綱 (Magnoliopsida) > 檀香目 (Santalales) > 桑寄生科 (Loranthaceae) > 鈍果寄生屬 (Taxillus) > 桑寄生 (T. chinensis)

有關嘅書

• 中国少年儿童百科全书 自然·环境 第445～446页　浙江教育出版社　　ISBN 7-5338-1946-2/G·1942
• 轻轻松松认植物 第231～232页　化学工业出版社　　ISBN 978-7-122-15489-7

連出去

• 槲寄生 Hujisheng 藥用植物圖像數據庫 (香港浸會大學中醫藥學院) （中文）（英文）
• 槲寄生 Hujisheng 中藥材圖像數據庫 (香港浸會大學中醫藥學院)
• 槲寄生 Hu Ji Sheng 中藥標本數據庫 (香港浸會大學中醫藥學院) （繁體中文）（英文）
• 槲寄生 中文百科在線
• 槲寄生 A+医学百科
• 槲寄生 中国植物志