檀島咖啡餅店（Honolulu Coffee Shop），又叫檀島茶餐廳，係香港一間茶餐廳，1940年喺香港島灣仔駱克道開舖，1990年代搬到軒尼詩道，同時開始開分舖。頭一間分舖1996年喺中環租庇利街開，2004年搬到士丹利街，2017年因為租貴而執笠。另外，佢喺將軍澳坑口連理街商場都有分舖。佢亦衝出香港，喺北京同新加坡都有分舖。
檀島咖啡餅店最出名係酥皮蛋撻同港式咖啡，門口有對聯用咖啡蛋撻做主題：「檀香未及咖啡香，島國今成蛋撻國」。
