天盛歐洲足球頻道

 天盛歐洲足球頻道（粵拼：tin1 sing3 au1 zau1 zuk1 kau4 pan4 dou6） 係廣東廣播電視台嘅一間已經停止廣播嘅電視頻道，2005年10月10號18:00開播，2017年3月2號06:00停播。

天盛歐洲足球頻道
邊位屬下	廣東廣播電視台
開播	2005年10月10號
停播	2017年3月2號
廣播語言	普通話
總部位置	中國廣東廣州 越秀區環市東路336號
官方網站	頻道官網

佢喺中國大陸第一間為咗鍾意歐洲足球嘅波迷而開嘅頻道，主要由天盛（上海）數字電視負責市場營運。

史

2005年10月10號挨晚，頻道正式開播，初期節目多數都圍繞歐洲地區嘅足球聯賽為主。尤其係英超、意甲、西甲、德甲呢四大聯賽比較多，亦有時播出部分非歐洲地區啲足球賽事，但凈限收費頻道模式播出。播出初期凈限上海先至有得睇，到2007年同年2月12號落戶北京，9月18號落戶廣州同埋中國大陸各大酒店，12月底正式落戶深圳。之後逐漸向全中國大陸啲城市以收費形式播出。

由於中國大陸嘅足球市場逐漸受到人民關注，加上好多同足球有關啲媒體都注重版權問題，令頻道嘅節目內容開始縮水。從2010年夏天開始，頻道先後停播英超系列節目；隨後因天盛集團破產，連意甲、西甲都停播埋，令節目大幅度縮水，期間凈播其它歐洲地區以外啲足球賽事同埋非足球賽事節目。

停播

2017年3月2號06:00，頻道播完節目後正式停播。具體原因係俾廣東省新聞出版廣電廳通報由於頻道播出嘅專業節目比例太少，嚴重違反咗《廣播電視有線數字收費頻道業務管理暫行辦法》而撤銷呢個頻道。而家頻道播出嘅係測色板。