歐盟條約系列係一系列嘅國際條約，負責成立歐盟嘅體制同埋憲法基礎。佢哋亦都劃定咗唔同組織嘅目標同埋工序。呢啲條約已經由所有歐盟嘅成員國簽同埋批准咗。
歐盟有兩份主要嘅條約嚟規管組織嘅運作：《馬城條約》(1993年)[1] 同埋《羅馬條約》(1958年)[2]。除咗呢兩條之外，歐盟成員亦都曾經通過咗唔少嘅修正條文，而歐洲委員會都會定期將最新嘅條約版本發放畀公眾睇。
