歐陽琳（1887年—1943年），又寫歐陽霖，中華民國廣州政府時，任中山艦長，兼任海軍局長。
其堂叔係歐陽漸，佛學大師，而堂叔子歐陽格，就係佢堂細佬。
歐陽琳跟孫文護法運動，其後任永豐艦長，永豐艦係廣州政府嘅主力。孫文病死，永豐艦改名中山艦，改名儀式由佢主持。一九二六年二月，海軍局長斯米諾夫囘蘇聯，佢代任爲海軍局長。三月十號，因局勢不明，有謠言對佢不利，自行離職到港，入住香港大酒店，李之龍代其職。
廣州政變後，歐陽格因支持蔣介石，任臨時艦隊司令，接替被捕嘅李之龍。有傳霖會返來接手，査實無咁嘅事。
