香港大酒店

香港大酒店（Hong Kong Hotel）係香港一酒店，經已拆咗，位置喺舊時中環大鐘樓附近，必打街同皇后大道交界，家下告羅士打大廈同中建大廈笪地。

香港大酒店
香港大酒店向海一面，時爲一九零零年左近
起好	1866年
國家	中華人民共和國
位處政區	香港
正式開放日	1868年
香港大酒店嘅位置
[改維基數據]

  提示：呢篇文講嘅唔係香港殯儀館。

史

一八六六年，香港大酒店公司成立，由當時富商組成。公司買咗東方酒店（Oriental Hotel）同Keying and Marina House 。酒店一八六八年啟用。佢個位就喺家下中建大廈。樓高四層，大鐘樓就喺側邊。

因爲顛地洋行執笠，一八八六年，買咗必打碼頭笪地。一八九二年北翼落成，樓高六層，地伸至域多利海口，當時係域多利城中至高屋宇。直至一九零零年填海，先至變爲內陸。當時《香港雜記》有講「酒店以香港大酒店爲巨擘、其深處由皇后大道、通至海旁。樓設六層、內有餐房及波樓、往房多至百餘間、高矗青雲。登樓者、不異置身雲漢、亦且華麗異常。」

一九二六年二月十三號正月初一，正值新年，香港大酒店火燭，北翼燒咗。北翼笪地賣咗畀置地。一九五二年，酒店結業。

九龍尖沙嘴嘅半島酒店，同舊時山頂酒店，都屬於同一間公司香港上海大酒店。