武昌
武漢嘅市轄區，係武漢三鎮之一
(由武昌區跳轉過嚟)
想搵舊縣名嘅話，請睇武昌縣。
| |
| 慣稱：武昌 | |
| 區治 | 中山路 |
| 區委書記 | 張光清 |
| 區長 | 彭俊 |
| 面積 | 87.42 km² - 城區面積:87。42 km² |
| 人口 | 113萬（2007） |
| 政區類型 | 市轄區 |
| 郵政編碼 | 430061 |
| 電話區號 | +86 (0)027 |
| 車牌號碼 | 鄂AE |
| |
武昌（粵拼：mou5 coeng1），係武漢三鎮之一，狹義上嘅武昌係指家下嘅武昌區，係原先武昌市嘅主體，廣義上嘅武昌係指長江以南嘅武漢市區，亦都係武漢市民習慣意指，包括家下武昌區、青山區、洪山區三個區外加東湖新技術開發區。
史
編輯武昌歷史1800年，起源自三國，當時曹操孫權相爭，喺長江中游軍事對峙，其中武漢到鄂州一帶因為駐紮咗大型軍事基地，就形成咗個墟，因為係「因武而昌」，所以叫「武昌」，又有講法話孫權想「武運昌盛」，所以起呢個地名，後來歷史「武昌」同「鄂州」兩個名輪流換，到元代先固定叫武昌。
武昌城形成咗後，越來越繁榮，加之位置特殊，於是喺荊楚地位上升，元明兩代超過咗荊州做咗湖北省府。明末武昌對面發展咗，成武昌、漢陽、漢口「三鎮鼎立」，清朝設武昌府，成為湖北巡撫、湖廣總督（後來嘅兩湖總督）嘅辦公所在。
1911年10月10號中國同盟會喺孫中山領導下武昌起義，之後係辛亥革命，結束咗中國兩千年君主制。1927年北伐軍攻落武昌之後，將三鎮合爲市，即係武漢，後來一度又拆解三鎮，武昌做咗武昌市，爲湖北省會，至今依然係湖北省機關駐地。共和國時又再合成武漢市，而喺武漢市區外另置武昌縣，不過武昌縣同武漢市區嘅武昌部分唔係同一地方，1995年因為都市化，武昌縣撤換爲江夏區。
武昌區
編輯武昌區面積87.42km²，人口113萬（2007年數據），轄15條街道。
- 街道：積玉橋街道、楊園街道、徐家棚街道、糧道街道、中華路街道、黃鶴樓街道、紫陽街道、白沙洲街道、首義路街道、中南路街道、水果湖街道、珞珈山街道、石洞街道、南湖街道、東湖風景區街道