武漢肺炎德國疫情

武漢肺炎德國疫情係介紹「武漢肺炎」2020年喺德國嘅爆發情形。截至2020年11月7號，德國夾埋有657,948單確診病例，死咗11,454個人。

唔同地區確診嘅病例（截至2020年4月5號）

  淨得零星個案

  確診個案達到兩位數

  確診個案達到三位數但未過半千

  確診個案達到三位數已過咗半千

  確診個案達到四位數

  確診個案達到五位數

情況

從2020年1月27號到2020年3月23號爲止，德國出現武漢肺炎個案嘅先後變化順序。

德國喺2020年1月27號出現第一單武漢肺炎個案，嗰時有位33歲嘅大學生喺中國湖北武漢讀完大學上學期返德國巴伐利亞州斯坦堡時被確診。期間曾經接觸過住過喺上海，祖籍湖北武漢當地啲學生。佢既係第一位發現曾經喺中國大陸嘅非活躍地區接觸而感染武漢肺炎嘅個案，又係中國大陸以外第一例境輸入歐洲感染武漢肺炎個案。第二日喺巴伐利亞州慕尼黑又再出現3單感染個案；直到月底先至確診有6單武漢肺炎個案。

踏入2月初，喺1、2、7號三日，喺巴伐利亞州又再確診三單感染武漢肺炎個案，總個案數達到9單。到同月11號又再確診一單，令武漢肺炎總感染個案總數達到兩位數。尤其2月1號，有大概90位喺中國湖北武漢返嚟嘅德國法蘭克福嘅遊客都要到法蘭克福大學醫院隔離14日做健康檢查。其後一直都冇新確診個案，直到2020年2月24號，有位25歲嘅僆仔喺意大利倫巴第大區米蘭玩完返嚟巴登－烏騰堡格平根時被確診成為第一單武漢肺炎個案後，疫情先至開始爆發。嗰時，不過全國總確診個案數達到16單。兩日後喺巴登－烏騰堡土丙根同洛威爾亦先後出現確診個案，不過總確診個案先至21單。直到同年2月29號深夜，感染個案上升到66單，未出現死亡個案。

由於疫情爆發得好突然，當地啲民眾都開始儲備十日之內嘅食物同搶購口罩。原先喺國內舉辦嘅世界羽聯職業巡迴賽喺2月26號俾國際羽聯宣佈取消。

踏入3月後，感染武漢肺炎個案嘅人數開始直線上升，喺國際婦女節之前，雖然新增案例速度比較慢，但係後半段出現快速上升趨勢，不過暫未出現死亡案例報告。不過3月9號正式出現死亡病例，患者係78歲海因斯堡籍（男）同89歲埃森籍（女）嘅老坑；德國政府為咗防止隔離嘅瑞士同奧地利方大量搶購口罩等醫療物資而宣佈禁止出口。第二日，由於全國總感染武漢肺炎案例達到648單，喺北萊茵－西法倫，冚唪唥帶有超過成千個參與性嘅活動都取消嗮，甚至三日後宣佈閂嗮冚唪唥學校同幼稚園、托兒所機構。

2020年3月10號，國內總確診個案達到1460單。喺德國冰上曲棍球協會宣佈暫停舉辦2019～2020賽季嘅冰上曲棍球聯賽。

2020年3月12號，由於國內總確診武漢肺炎個案破咗二千大關，去到2369單；死亡個案亦上升到5單。總理默克爾提議應該要取消冇必要嘅活動。國內嘅基民盟當日宣佈原定喺4月25號召開嘅黨代會都要推遲舉辦。第二日喺足球界，德國足協宣佈暫停舉辦淨低嘅德甲、德乙、德丙等任何足球聯賽賽事；一日後全國16個州嘅學校亦宣佈停課，柏林當地重宣佈閂嗮冚唪唥酒吧、博物館同體育館、健身室等公共場所，連斯圖加特、紐倫堡、卡斯魯亞等德國冚唪唥城市都實施咗停止一切公共娛樂活動。疫情重波及到娛樂界，原先喺德國攞景嘅電影——《22世紀殺人網絡Ⅳ》亦受疫情影響而宣佈停拍。過咗兩日，喺巴伐利亞州，由於當地總確診數達到886例，州長正式宣佈州份進入災難狀態，話係二戰後最大嘅挑戰；連政府都宣佈閂埋同法瑞奧三國嘅陸地邊境；政府亦開始制裁美國霸權主義，話美國亂咁干涉，插手賣佢本國研發嘅疫苗。

由於感染個案持續直線上升，到2020年3月19號為止，確診個案打破咗一萬大關，死亡個案亦上升到兩位數。德國政府重考慮呢一個月內限制歐盟以外嘅公民出入行為；連H&M都宣佈閂嗮德國境內啲分店。喺柏林，話要搞間專收醫院嚟收留患者。期間重試過有3位政治人感染咗武漢肺炎；喺德波邊境，由於政府重新恢復邊界檢查，喺德國4號高速公路重出現打咗長達40km嘅蛇餅；連總廠喺德國嘅汽車廠商——保時捷都宣佈停產。第二日，德國政府宣佈開放奧地利、法國、盧森堡、丹麥同瑞士嘅部份邊境，重宣佈取消同年月4號實施嘅出口禁令，改成統一嘅歐盟政策；德國政府隨後發佈公告話公民社交時一定要保持距離。喺法蘭克福，有間語言學習出現18位學生感染武漢肺炎個案。

直到同年3月21號深夜，由於確診個案已經達到16662單，死亡個案亦好快升到47單。總理默克爾將同各州長決定係唔係限制民眾出行同採取宵禁措施，不過最後冇實施到，反而唔畀除住埋一齊嘅家庭之外嘅至少三人嘅聚集活動。期間喺德國甲組籃球聯賽屬下嘅柏林信天翁籃球會都推出網課嚟做運動教學堂，結果引起國內好大反應。

第二日，感染武漢肺炎確診個案去到18610單，死亡個案破咗五十大關。不過總理默克爾唔好彩，都成為武漢肺炎患者一員，但23號當日證實係虛驚一場。一日過後，感染個案打破二萬大關，死亡個案亦直線上升到86單。隨住最後一個未受感染嘅區——法蘭克福克賴斯（Kreise）都出現第一單武漢肺炎個案，至此德國401個政區都冇嗮唔受武漢肺炎感染嘅地方。

2020年3月24號，感染武漢肺炎確診個案去到27436單，死亡個案破咗一百大關，去到114單。德國奧委會向國際奧委會呼籲要將原定喺日本東京舉辦嘅奧運會推遲舉辦。連下薩克遜漢諾威市長奧奈（Bêlit Onay）都唔例外。由於疫情爆發，好多國內汽車業因停產而出現好大程度嘅資金損失。不過當地今年舉辦嘅中學畢業考試冇停到。

六日後，由於疫情感染個案接二連三打破三萬、四萬同五萬大關，死亡個案亦接二連三打破二百、三百同四百大關。喺希燊，財政部長湯馬仕·舍費爾因為擔心疫情嘅問題，喺巴登－烏騰堡賀芬咸自殺死咗。嚟到月底最後一日，感染案例又突破咗六萬大關，去到61913單。死亡個案打破咗五百大關，去到583單。由於疫情喺德國入咗新嘅傳播階段，導致疫情開始擴散。喺脫靈根耶拿，當日正式用一個禮拜嘅緩衝期，嚟喺超市同公共交通工具等人員流動密集場所入面實施「戴口罩」義務，嚟改變德國當地民眾對口罩嘅反感意識態度。

踏入4月1號，感染案例去到67366單，死亡個案極速增加到732單。喺英國嘅《自然》雜誌提到德國啲武漢肺炎患者喺感染初期，上呼吸道會有大量複製病毒同甩落兼有傳染性。總理默克爾重呼籲民眾雖然跟住落嚟係復活節假期，但因喺疫情期間千祈冇出街。第二日，感染案例破咗七萬大關；死亡個案破咗八百大關。不過4月3號，原先德國接收嘅中國製造口罩俾美國佬喺泰國曼谷打劫拎走，俾德國當地媒體鬧美國政府嘅所為係「現代海盜」。結果美國政府一度推卸責任而引起質疑，甚至有媒體話係呢單嘢完全屬「口罩戰爭」。

美國嘅所為俾法國同德國媒體話係「搞搞震」。4月4號，感染個案打破咗八萬大關，甚至反超中國大陸總感染個案，去到85778單；死亡個案去到1178單。呢單疫情重向國內1500間酒廠發生衝擊，影響當地嘅啤酒業生意，可能會引發大規模破產。全國有13間球會受疫情影響，好多時出唔到糧同搞蝕本生意，要提出破產。第二日感染個案重打破埋九萬大關。

抗疫支援

德國聯邦政府估計，疫情期間將有約215萬人，進入短時工作（Kurzarbeit）嘅狀態。德國聯邦勞動部長海爾Hubertus Heil話，爲儘可能幫助企業保住僱員嘅工作崗位，政府會投入大筆錢同啲僱員提供短時工補貼，以縮短僱員工作時間嘅方式，儘量減少僱員嘅流失。僱員除可以攞短時制嘅人工，仲有得攞德國聯邦勞動局畀僱員嘅補水。呢個政策被認爲係歐洲喺經濟危機期間最成功嘅舉措之一。

到4月頭德國已有將近50萬間公司，需要同僱員減少工時，而德國勞動局就向聯邦勞動部遞交咗第一期嘅100億歐元申請。勞動局預計喺2020年，會有大概200萬人需要攞短時工補貼。勞工局局長施樂（Detlef Scheele）話，即便政策層為呢輪短時工作需求，而準備嘅2.55億歐元遠遠未夠，德國勞工局仲有夠嘅儲備金去應付危機。

德國聯邦財政部仲推出咗500億歐元嘅「新冠防護甲」（Corona Schutzschild）「大禮包」，支援對象包括咗大中小型企業、個體戶同初創型企業。其中疫情尤為嚴重嘅北威州政府，同啲雇員5人以下嘅公司仔，準備咗9000歐元嘅緊急補助金。雇員10人同50人以下嘅企業，就分別可以攞補助金15,000同25,000歐元。截止到3月29號，北威州政府就核准咗122,000份補助金申請，申請手續仲好簡單㖭，政府提供嘅補助金需要計入企業嘅營業收入度，但唔使交返政府手度。

此外，德國政府仲拎出30億歐元，支援個體勞動者嘅基本生存需求，保證佢哋喺疫情期間仲出到房租錢，仲有更易申請到社會福利保障。而針對中型同大型公司，政府則推出一系列保障資金運轉嘅舉措，包括咗提供總值係4000億歐元嘅政府貸款擔保。此外，政府就同可能會執笠嘅公司，準備好咗1000億歐元嘅特別貸款額度。

德國嘅聯邦政府，仲有16個州政府，都話咗會派埋銀紙，援助啲受疫情影響嘅人士。其中柏林州喺3月19號承諾，會好快派錢畀無法負擔基本支出嘅自僱人士同細企業東主。柏林政府對此推出咗計劃，頭5日（3月27號開始收申請表）就派出超過14億美元，惠及超過15萬嘅自僱人士或僱員低過5人嘅細企業。

表

根據Robert Koch Institute嘅數據確認嘅感染病例（夾理）
由2020年2月24號開始

聯邦州	二月						三月
	24.	25.	26.	27.	28.	29.	1.	2.	3.	4.	5.	6. 07:00	6. 15:00
巴登－烏騰堡	—	1	3	6	10	14	15	19	26	44	65	91	96
拜仁	14	14	14	14	15	15	19	25	35	48	52	79	117
柏林	—	—	—	—	—	—	—	1	3	6	9	15	19
勃蘭登堡	—	—	—	—	—	—	—	—	1	1	1	1	2
不萊梅	—	—	—	—	—	—	1	1	1	2	3	3	4
漢堡	—	—	—	—	—	—	1	1	2	2	8	8	11
希燊	—	—	—	—	—	3	8	10	10	12	14	15	16
美倫堡－前波瑪恩	—	—	—	—	—	—	—	—	—	3	4	5	5
下薩克遜	—	—	—	—	—	—	1	1	1	4	10	18	18
北萊茵－西法倫	—	1	2	4	25	30	66	86	101	111	175	281	329
萊茵－普法茨	—	—	—	—	—	1	2	2	2	2	7	8	10
沙亞	—	—	—	—	—	—	—	—	—	1	1	1	2
薩克遜	—	—	—	—	—	—	—	—	1	1	1	1	2
薩克遜－雁候	—	—	—	—	—	—	—	—	—	—	—	—	—
舒勒斯維－荷斯泰因	—	—	—	—	1	1	2	2	2	2	3	7	7
脫靈根	—	—	—	—	—	—	—	—	1	1	1	1	1
德國	2	2	2	2	2	2	2	2	2	—	—	—	—
夾埋感染	16	18	21	26	53	66	117	150	188	240	349	534	639
多咗嘅病例	—	2	3	5	27	13	51	33	38	52	109	185	105