米蘭
搵緊一種花名嘅話，請睇〈米蘭花〉。
米蘭（粵拼：mai5 laan4；意大利文：Milano）係意大利西北方嘅大城市，位於意大利人口最密同最發達嘅倫巴第平原。米蘭亦係南歐嘅交通要點，歷史好悠久，以觀光、時裝、建築同足球聞名。米蘭而家有130萬居民，如果計埋郊區人口，就可能有400萬人。總面積大概1,982平方公里。現任嘅市長係萊迪玆·莫拉蒂（Letizia Moratti）。
米蘭係倫巴第區嘅省會城市同意大利嘅經濟、金融中心。佢嘅生產總值佔咗意大利國內生產總值嘅4.8%，同時位於世界上最富裕嘅地區之一。米蘭博覽會係世界上最領先嘅博覽會之一，喺2005年7月開張嘅新會場佔地250萬平方米，展覽面積46萬平方米，係世界上最大嘅博覽會場地。
時裝改
米蘭以時裝工業著稱，係全世界嘅時裝首都之一。拿破侖山道（Via Montenapoleone）係米蘭最重要嘅時裝店街道。米蘭主要名店集中嚮四邊形區：
呢度圍成嘅街區裏面，可以搵到Gucci、Prada、Ferragamo、Fendi、Louis Vuitton、Giorgio Armani、Moschino咁。[1]
足球改
米蘭有兩隊世界級足球隊，分別係AC米蘭同國際米蘭。而米蘭市內嘅聖西路球場，係世界級嘅球場，1990年FIFA世界盃就係喺呢個球場舉行開幕式。
文化藝術改
米蘭係世界上其中一個歌劇中心，著名嘅斯卡拉歌劇院（La Scala）就喺米蘭市中心。
岩寶仙拿圖書館（Biblioteca Ambrosiana）係歐洲最重要嘅文化寶庫之一，收集咗好多書籍，當中包括達文西嘅素描同筆記簿。
交通改
馬奔沙機場（Aeroporto di Milano-Malpensa，中國大陸譯馬爾彭薩機場）