武漢肺炎西班牙疫情

武漢肺炎西班牙疫情係介紹「武漢肺炎」喺西班牙嘅爆發情形。截至2020年9月23號，西班牙夾埋有671,468單確診病例，死咗30,663個人。

唔同地區確診嘅病例

  未發現確診病例

  確診案例唔夠百單

  確診案例達到三位數但未過半千

  確診案例達到三位數兼過咗半千

  確診案例達到四位數兼未夠二千五百

  確診案例過咗二千五百但未夠半萬

  確診案例達到至少半萬

  確診案例達到五位數

  確診案例達到至少二萬單

情況

西班牙喺2020年1月31號出現第一單感染個案，嗰時喺加那利群島之中嘅拉哥美拉島入面發現，最先出現嚟當地玩嘅德國導遊。9日後喺巴馬又發現一單，嗰位患者曾經接觸過已確診爲武漢肺炎嘅法國公民。4日後出現第一例死亡報告，嗰位死者從尼泊爾玩完返嚟華倫西亞後確診兼死咗。

同年2月24號，由於意大利爆發武漢肺炎疫情，喺倫巴第大區嚟嘅醫生參加咗特尼里弗島舉辦嘅嘉年華，玩完之後正式被確診成爲武漢肺炎患者。第二日又多四位新嘅武漢肺炎患者，不過嗰時夾埋淨得8單感染個案（其中死亡1單），其中加泰隆尼亞收到確診武漢肺炎嘅報告。一日後分別喺安達盧西亞、加那利群島同馬德里收到確診武漢肺炎嘅報告。不過確診個案重未停過，到2月29號當日，連續兩日接二連三又收到確診武漢肺炎嘅新個案報告，令感染個案好快升到59單。期間雖然有僑社希望當地政府重視呢個疫情，但政府隻眼開隻眼閉。由於嗰時政府唔重視疫情，結果一個禮拜後，感染個案直線上升到525單，死亡個案亦上升到兩位數。受到疫情影響，由於好多熱門嘅天主教堂都取消咗祭拜儀式，連復活節前夕例牌嘅錫神像儀式都取消咗。重波及到體育界，喺3月4號歐聯嘅華倫西亞對陣阿特蘭大嗰兩場比賽都必須要空場舉行。拉里奧哈阿羅亦喺3月7號宣佈封城。

疫情期間，喺西班牙國內有超市貨架啲貨俾好多人搶購嗮，得返個空架響度。

2020年3月8號喺馬德里舉辦嘅國際婦女節十二萬人大遊行，亦有可能成為國內武漢肺炎爆發嘅其一原因。

3月8號，疫情個案達到674單，死亡個案去到17單。喺馬德里，當地政府有理冇理，舉辦咗場12萬人嘅大遊行嚟慶祝國際婦女節，結果俾外界猛咁批判。

3月9號，由於疫情個案破咗1000大關，重喺兩日後破埋2000大關；死亡個案總數亦提升到55單。國內重出現搶購口罩熱潮，令口罩價錢漲到€50一隻。後嚟政府意識到疫情出現大爆發，3月11號當日喺加泰隆尼亞、馬德里大區、安達盧西亞政府亦宣佈從今日開始停課15日兼停止一切公共娛樂活動，隨後好多大區都陸續開始停課兼停止一切公共娛樂活動，封城範圍亦擴大到成個西班牙境內。疫情喺第二日重向總統府落手，其中副首相柏保路·伊格萊西亞斯嘅老婆——伊蓮娜·蒙迪羅亦正式被確診成爲武漢肺炎患者。不過確診案例重未出現下降，第二日總感染個案數去到3146單，跟住嗰一個禮拜內，個案重出現直線上升趨勢。喺3月14號當日，全國實施封城，嗰時居民喺15日內除工作、買食物同藥品、就醫同其它緊急情況之外都唔畀出街。不過政府嘅呼籲重係「唇焦口燥呼不得」。

同年月15號，西班牙衛生部部長沙華度伊拉正式宣佈國內嘅醫療體系冚唪唥國有化嚟對抗疫情。

同年月16號，感染個案數反超南韓而去到9191單；重喺第二日破埋一萬大關。喺加泰隆尼亞大區，主席基姆多拉感染咗武漢肺炎。疫情亦波及到體育界，喺華倫西亞足球會，有35%成員都感染咗武漢肺炎；喺愛斯賓奴足球會，有六位波手同教練組都感染咗武漢肺炎；喺皇家馬德里籃球會，羅倫素·山斯亦感染咗武漢肺炎，重喺5日後瓜老襯。

2020年3月17號，由於國內感染個案破萬，去到11826單。喺中國大陸嘅文化旅遊部向西班牙發出旅遊警告，呼籲中國大陸公民近期暫時冇去西班牙嗰邊。兩日後，由於感染個案持續攀升，總確診數去到18077單，死亡個案亦加到833單。政府亦要求國內冚唪唥酒店都停業，重要對療養院搞特殊保護措施。喺一級方程式賽車官方重宣佈計劃喺今個月辦嘅大獎賽都要延期。

2020年3月20號，國內確診個案打破二萬大關，去到20410單；死亡個案亦打破一千大關，去到1041單。耶羅島收到第一單感染武漢肺炎個案；喺愛斯賓奴足球會，中國大陸球員武磊亦正式被確診成爲武漢肺炎患者，呢個亦係中國大陸第一位職業球員被確診做武漢肺炎。第二日，由於確診個案達到25496單，死亡達到1381單。喺馬德里鄉下地區嘅展覽中心都學火神山噉起方艙醫院。

2020年3月22號，國內確診達到29909單，死亡達到1813單。有西班牙媒體認為，破壞森林同野生動植物交易係導致呢單武漢肺炎爆發嘅主要原因。第二日確診數破咗三萬大關，去到35480單；死亡個案亦破咗二千大關，去到2342單。喺愛斯賓奴足球會，前守門員兼教練——賓尼度若阿内因為感染武漢肺炎死咗；當日疫情重令西班牙副首相卡蔓卡禾都唔例外。第二日，確診個案亦打破埋四萬大關，去到42058單，死亡人數上升到2991單。由於當日有養老院出現老人家俾醫療隊拋棄或有人死喺病床，所以軍隊向北約提出緊急醫學救援。國內商場經常出現口罩緊缺現象；喺足球界，西甲、西乙、西丙及所屬嘅業餘足球聯賽都唔繼續辦。喺馬德里，連火葬場同太平間都嚟唔切燒鹹魚，連當地嘅娛樂設施——馬德里國際奧林匹克冰球場都要攞嚟做太平間；連歌唱家帕拉西度·杜鳴高都成爲武漢肺炎患者一員直到同年3月29號醫返好出院。

喺特魯埃爾阿爾卡尼斯，2020年3月27號當日封城甚至出動埋軍隊嚟把守。

72個鐘頭後，確診個案接二連三打破咗五萬同六萬大關，死亡個案接二連三打破咗三千、四千同五千大關。喺愛斯賓奴足球會又多兩位足球員成為武漢肺炎患者，喺馬德里有間養老院啲老人唔好彩俾政府遺棄；同日政府重開始徵用私家診所啲醫療設備嚟應付國內因疫情而出現醫療設備短缺嘅情況；連拉科魯尼亞都有醫護人員要求向中國醫療團體支援。呢單疫情夾埋殺死咗三位加泰隆尼亞莫索斯·迪·艾斯誇德拉差館啲成員；連王室成員瑪莉婭·特蕾莎都唔例外，佢亦係全球第一位皇室界因感染武漢肺炎死咗嘅成員。當地重有位77歲嘅老坑因為違反封城令，喺街頭玩咗寵物小精靈Go遊戲而被處罰。

2020年3月28號，總感染個案繼續爬升兼突破七萬大關，去到72248單；死亡個案去到5690單。國內出現有成幾萬單醫護人員感染武漢肺炎個案。第二日，感染案例打破八萬大關，死亡案例突破六千大關。連WNBA洛杉磯火花隊屬下後衛——悉尼·維瑟都唔例外，佢亦係美國女籃界第一位感染武漢肺炎嘅職業成員；國內重將冚唪唥非必須產業都要停運。一日後，感染案例繼續爬升到87956單，死亡個案去到7716單。喺馬德里，當地時間中午（UTC+1）舉辦咗因武漢肺炎死咗嘅患者搞下半旗默哀儀式，晚黑甚至有當地差佬學寵物小精靈嘅比卡超噉通報封城令；國內好多醫院都超負荷運轉，連病人都冇床位，要攤喺地下瞓。

2020年3月31號，總感染個案繼續爬升兼突破九萬大關，去到95923單；死亡個案突破咗八千大關，去到8464單。其中，警察局執行副局長——荷西摩連奴都成為武漢肺炎患者，連西班牙衛生部嘅醫生——費蘭度斯蒙都唔例外。

踏入4月第一日，感染案例達到六位數，去到102179單，死亡個案破埋九千大關，去到9121單。由於疫情期間實行全城封鎖，國內有350萬人出現失業。第二日，感染個案去到112065單，死亡個案突破埋一萬大關。喺馬德里，軍隊甚至徵用巴士嚟運武漢肺炎患者到馬德里交易機構展覽中心改造嘅臨時醫院。喺皇家馬德里足球會，前後衞戈約賓尼圖都死於武漢肺炎。第三日開始，新增病例開始有所下降。總感染個案達到119199單，死亡個案達到11198單。到4月4號為止，感染案例甚至反超意大利，去到126168單；死亡個案亦上升到11947單。由於好多醫院嘅資源同床位已經達到極限，有病情好輕嘅武漢肺炎患者俾當地嘅社區衛生保健處要求做自我隔離。

兩日後，感染案例去到136675單，死亡個案上升到13341單。國內有成差唔多兩萬位醫務人員感染武漢肺炎，其中有13位醫務人員死咗。

2020年4月7號，感染案例去到141492單，死亡個案去到14045單。喺加利西亞聖地亞哥金波斯特拉近葡萄牙邊境，有倉庫出現二百萬隻口罩俾西葡雙重國籍嘅商人偷走嘅情況。由於當地農業成日出現人手唔夠嘅問題，有好多牧場破產。

表

武漢肺炎西班牙疫情     死    好返    確診
日期			病例數
2020-01-31		​ ​ ​ ​	1 (–)
----------		​ ​ ​ ​	1 (=)
2020-02-09		​ ​ ​ ​	2 (+100%)
----------		​ ​ ​ ​	2 (=)
2020-02-13		​ ​ ​ ​	3 (+50%)
2020-02-14		​ ​ ​ ​	3 (–)
----------		​ ​ ​ ​	3 (=)
2020-02-25		​ ​ ​ ​	4 (+33%)
2020-02-25		​ ​ ​ ​	8 (+100%)
2020-02-26		​ ​ ​ ​	14 (+75%)
2020-02-27		​ ​ ​ ​	26 (+86%)
2020-02-28		​ ​ ​ ​	45 (+73%)
2020-02-29		​ ​ ​ ​	59 (+31%)
2020-03-01		​ ​ ​ ​	84 (+42%)
2020-03-02		​ ​ ​ ​	125 (+49%)
2020-03-03		​ ​ ​ ​	169 (+35%)
2020-03-04		​ ​ ​ ​	228 (+35%)
2020-03-05		​ ​ ​ ​	282 (+24%)
2020-03-06		​ ​ ​ ​	365 (+32%)
2020-03-07		​ ​ ​ ​	430 (+18%)
2020-03-08		​ ​ ​ ​	674 (+57%)
2020-03-09		​ ​ ​ ​	1,033 (+53%)
嚟自： 2020-03-06: Ministerio de Sanidad Actualización N 38 13:00

武漢肺炎西班牙疫情

政區	剩低嘅病例	死	好返	夾埋
安達盧西亞	54	0	0	54
亞拉岡	29	3	0	32
阿斯圖里亞斯	10	0	0	10
巴利亞利群島	10	0	1	11
巴斯克	142	6	0	148
加那利群島	19	0	5	24
坎塔布里亞	12	0	0	12
卡斯提亞-拉曼查	26	0	0	26
卡斯提亞與利昂	40	0	0	40
加泰隆尼亞	98	3	0	101
易斯特里馬杜拉	7	0	0	7
加利西亞	18	0	0	18
馬德里	561	17	0	578
穆爾西亞	5	0	0	5
納華拉	13	0	0	13
拉里奧哈	102	0	0	102
華倫西亞	48	1	1	50
夾埋	1194	30	7	1231