武警廣東省總隊醫院（粵拼：mou5 ging2 gwong2 dung1 saang5 zung2 deoi2 ji1 jyun2） ，簡稱武警廣東總院，廣州當地又嗌廣州武警醫院gwong2 zau1 mou5 ging2 ji1 jyun2，係中國廣東廣州嘅大型三級甲等醫院，1953年成立，有兩個院區，分別喺天河區同番禺區入面。
醫院喺1953年成立[1]，初期喺惠陽專區博羅縣（今日嘅惠州博羅）開辦，期間嗌過解放軍一九九療養院，隸屬解放軍系統。1983年4月同花縣（今日嘅廣州花都區）嘅廣東軍區第四門診部合併兼改名做武警廣東省總隊醫院，重搬到廣州郊區燕塘一帶開醫院。1994年喺番禺大石開咗分院。
