死飛單車

死飛單車（粵拼：sei2 fei1 daan1 ce1，英文：Fixed-Gear Bicycle，日文：固定ギア／ノーブレーキピスト），簡寫係死飛車。佢同場地單車差唔多，都係一種冇單向自由轆嘅單車，呢種車嘅車轆同踹（jaai²）板聯通嘅。由於個鏈同個轆係好實噉黐埋一齊，如估後轆稍微轉下，踹板就識自己轉喇。呢種單車係一定要好大力調轉個方向來踹個板，部車先至會唔逳嘅。

死飛單車（喺海南省海口市度影嘅）

死飛單車（喺日本街頭度影嘅）

歷史

最早嘅死飛單車係出自美國紐約州嘅紐約市度，當時係啲另類嘅單車發燒友改裝出嚟嘅單車。而呢種單車之後係出現喺比賽場地度，到咗20世紀中葉，英國有部分單車發燒友就開始試下踹呢種單車喇。

特徵

呢種單車係有以下呢幾個特徵：

• 比較平、唔易畀人偷、速度快

呢種單車可以喺城市入面踹得好快下，而且唔使好多錢就買到，而呢種單車即使係賊仔偷咗之後，都好難踹得走，因為佢係一定要有好高嘅踹單車嘅技術先至使到。

• 造型簡單

呢種單車凈係用好少料就整到出嚟，而且幾舊嘅單車都好都可以裝番啲新時代嘅嘢響度，有好多時尚界嘅人用佢嚟做交通工具。

• 技術要求高

呢種單車唔同一般嘅單車或山地車噉，佢係必須要有好高嘅踹單車嘅技術，而且呢種單車係有啲牙煙嘅。而家開發死飛車嘅廠商都出咗死飛同生飛嘅兩用單車，而且佢重考慮到交通安全、裝咗手剎响度。

構造

死飛單車係用咗以下呢19樣嘢整出嚟嘅：

• 車架、前叉
• 車頂圓組
• 豎桿
• 手把（佢分成彎把、牛角同、高把三種）
• 座管
• 座墊
• 中軸
• 曲柄、轉柄
• 踏板
• 靴套
• 皮帶
• 鏈
• 前轆
• 後轆
• 嵌轆
• 輪呔
• 刹掣杆
• 刹掣夾
• 刹掣線

揸死飛要注意嘅係

雖然話呢種單車係好平，但係如估冇超級好嘅踹車技術，就好大機會出事。所以要注意：

1. 踹死飛之前，一定要先學識點剎掣（重要滾瓜爛熟嗰隻，因為呢種單車一般係冇剎掣响度嘅）。
2. 踹緊死飛嗰陣，一定要好集中精神去踹，半佬唔畀搞小動作。（因為死飛嘅最高時速可以去到50km/h且基本上都剎唔住掣嘅。）
3. 由於死飛係冇剎掣同變速器响度，所以唔可以喺馬路度踹。

同單車、山地車嘅區分

分類	山地車	公路車	死飛
煞掣力度	中	細	大
後座	冇	有	冇
外觀	複雜	簡單	超少材料
騎嘅過程	求穩	求快	求快
地形嘅適應	勁	渣	渣
長途嗰陣 消耗嘅體能	低	高	高
車柄線	直	彎	隨便
成部車嘅 風速阻力	大	細	大
上手最低要求	低	高	極高
價錢	貴	中	平
牙煙程度	低	中	高
剎掣功能	有	有	冇
公路入面 出事機會	低	低	高
倒轉踹嚟行	唔得	唔得	可以
控制速度	完全掂	一般	簡直唔掂

合法性

雖然後生鍾意踹死飛，但由於安全隱患大，所以好多國家都出法規限制死飛入馬路度踹：

澳洲

澳洲各個州都話單車係機動車之一，必須遵守交通法。而據澳洲交通法，單車一定要有至少一個可以控制部車嘅嘢。

丹麥

冚唪唥嘅單車必須要有兩個轆，重有後面嘅反射燈以及要有唥鐘、刹掣。

法國

單車必須要有2個刹掣，重要有前面嘅燈、後置嘅反射燈、以及唥鐘响度。

• 不過佢哋嗰邊冇咩人去執法，所以喺法國嘅交通度，成日都見到好多唔合規嘅單車响度。

德國

喺德國嘅交通法入面，冚唪唥嘅單車必須要有兩個轆同反射燈、唥鐘同刹掣。雖然話喺波尼嗰邊，法院係畀有齒輪固定且有啱𠼻嘅後刹掣功能嘅單車喺條路度行，但喺柏林嗰邊，法院係禁止死飛嘅，話死飛係一樣好牙煙嘅嘢。

中國

喺《中華人民共和國道路交通安全法實施條例》嘅第四章第三節入面嘅《非機動車通行規定》度規定咗單車嘅晒士同限重，但係就無規定單車係咪要有剎掣功能。雖然話無規定，但爲咗踹車時安全，重係裝返個剎掣。

紐西蘭

根據紐西蘭嘅交通法，冚唪唥嘅單車最少要有個超好嘅後轆控制器。喺1988年1月1號開始，重要求必須要有超好嘅前刹掣功能。

西班牙

任何單車都要有個控到前後轆嘅嘢以及要有唥鐘。

英國

喺英國規定生產、使用單車嘅標準嘅法律條文入面講到：「如估單車高過635mm，就必須要有2個獨立嘅控制系統嚟同時控到前轆同後轆」。

美國

喺美國好多州度，響公路度踹無剎掣功能嘅單車係唔合法嘅，而個標準通常係「必須整咗控制，喺標準、乾淨嘅路度踹時，唔會搞到單車車轆跣低」。而美國消費產品安全委員會就無規定要禁售無剎掣功能嘅單車。

日本

據日本嘅交通法：凡喺日本馬路踹單車，如估無裝控制裝置，就係違反交通法，原因係配件唔齊。

踹死飛出交通事故案例

 爾個係動態嘅未完成一覽表，內容可能隨時會變，所以呢個一覽表可能都唔會補充完整。歡迎你隨時修改並補返來源。

呢度講嘅係全球各地出過嘅因為踹死飛而出嘅交通事故：

• 2013年3月16號：喺福建省漳州市琥珀路有一個踹住死飛嘅13歲女仔俾部私家車撞死咗。
• 2014年5月3號：喺福建省廈門市環島路有個19歲嘅江西僆仔因為踹住部死飛，想避開台拖拉機，結果唔好彩撞咗落台拖拉機度而死。
• 2014年5月10號：喺廣東省佛山市順德區容桂嘅鹿茵路同105國道嘅交界口度，有一個踹住死飛嘅16歲僆仔喺馬路度撞低咗個行人兼自己死咗。
• 2011年2月11號：喺美國加州三藩市度，一位25歲嘅僆仔（白人）踹住部死飛單車喺銀色大道同作戰街嘅路口度撞低咗個61歲嘅伯爺婆，最後呢條僆仔俾當地嘅差佬指控。
• 2013年5月19號：喺墨西哥京他拿盧州嘅伯利茲市托利多區嘅銀灣村度，一條14歲嘅僆仔踹住部死飛單車，結果喺銀灣路同東中心高速附近撞死銀灣高校嘅一位15~16歲嘅女學生。
• 2015年12月25號，喺浙江温州嘅大羅山，有位踹住死飛嘅17歲學生——小洪，喺山上跌落懸崖死咗

連出去

• 死飛 互動百科
• 死飛車 百度百科