福建

中国嘅省
(由福建省跳轉過嚟)
China Fujian.svg

福建中國東南沿海。西南面係廣東,西面係江西,北面係浙江,東面同台灣島隔海相望。

政治上,福建而家係由中華人民共和國嘅福建省同埋中華民國福建省分治。前者差唔多佔有全個福建嘅大部分地方,尤其係陸地部份,以福州市為省會;而後者就管理金門烏坵馬祖等等嘅沿岸島嶼,省政府設喺金門縣嘅金城鎮。

南洋唔少華人祖先都係嚟自福建,尤其係閩南廈門漳州泉州等等以及福州、福清莆田等地方;而喺美國,近年就多咗好多閩東福州移民。喺香港,閩南人多數聚居北角,閩東福州人多數聚居荃灣西環,平日大家所叫嘅「福建話」,其實都係指閩南話,而閩東福州人講嘅語言叫閩東話,或者福州話