想搵港產片嘅話,請睇殭屍 (電影)

殭屍粵拼goeng1 si1)係指死咗之後好耐仍然冇腐爛嘅屍體,除咗因為經過某種方法加工,例如將屍體整成木乃伊咁,又或者因為氣候、土質關係而令屍體唔會腐爛。除此之外,亦有關於殭屍嘅妖怪傳說,根據清朝野史述異記》講,喺清朝初年嘅湘南西邊,有一個小村落就有殭屍活動嘅情況,當然呢啲只係傳說,信則有不信則無。

中國傳說嘅殭屍同西方傳說入面嘅吸血鬼vampire)或者喪屍zombie)雖然類似,但唔相同,雖然大家都係由屍體變成,但分別在於吸血鬼係有思想而殭屍無,喪屍比較似中國傳說嘅殭屍,不過喪屍係身體腐爛而殭屍就冇。

傳說入面嘅殭屍 編輯

殭屍好明顯就係指屍體,喺中國傳說入面,殭屍係殘暴,鍾意將人搶走然後吞噬。

傳說起源 編輯

殭屍傳說喺明朝中葉到之後清朝開始盛行。而清代記載殭屍傳說最多,又以袁枚嘅《子不語》同紀曉嵐嘅《閱微草堂筆記》兩本書講最多,可以話係「殭屍大全」。

趕屍 編輯

殭屍傳說其中之一可能來自「趕屍」,喺湘西沅陵,佢哋會喺屍體未腐化之前,由術士將屍體趕返鄉吓安葬,而呢啲趕屍嘅人其實只係孭住件屍體行,加上趕屍嘅人着黑衫,啲人夜晚見到唔知,就以為屍體識得行。

殭屍種類 編輯

袁枚嘅《子不語》將殭屍分成八個品:

  • 紫僵
  • 白僵
  • 綠僵
  • 毛僵
  • 飛僵
  • 遊屍
  • 伏屍
  • 不化骨

睇埋 編輯